ADVERTISEMENT

Timor-Leste Nasaun Dahuluk Adere ba Fraternidade Umana

Mario da Costa - Relijiaun
Reportajen : Mariano Abi
Editor : Mário da Costa
  • Share
Prezidente Parlamentu Nasionál, Aniceto Guterres, Imajen Esp.

DILI (Timor Post) — Iha selebrasaun santa missa ba Dom Virgílio Kardeál do Carmo da Silva, iha Tasi-tolu, Prezidente Parlamentu Nasionál (PPN), Aniceito Guterres, reprezenta Prezidente Repúblika (PR), José Ramos Horta, iha nia diskursu hatete, Timor-Leste (TL) nu’udar primeiru País ne’ebé adere ba dokumentu Fraternidade Umana.

“Timor-Leste nu’udar primeiru país ne’ebé adere ba deklarasaun ida ne’e. Eventu istóriku boot kona-ba feno-umanidade ne’ebé mosu tutuir malu, to’o iha tempu badak iha situasaun ne’ebé mundu ne’ebé nakonu ho konflitu, violénsia, hamlaha no dezafiu barak hasoru ema nia fiar ba Maromak”, nia diskursu iha Uma Adat, Tasi-Tolu, Tersa (06/09).

ADVERTISEMENT
SCROLL FILA BA NOTISIA

Nia dehan, iha Setembru tinan 2019, Amu Papa Francisco kria promisia euklajiastika Dili, hodi nomeia Dom Virgílio do Carmo da Silva, nu’udar Arsebispu Arkidioseze Metropolitana Dili iha 29 fulan Maiu tinan liu bá.

Lee Mós:
Sarani Sira Nadodon no Okupa Tasi-tolu Hodi Partisipa Santa Missa

Amu Papa Francisco anunsia mós Arsebispu lubuk ida nia naran atu sai Kardeál foun inklui Dom Virgílio do Carmo da Silva, ne’ebé emposavel iha konsostoria ne’ebé realiza iha loron 27 fulan Agostu liubá.

Molok Amu Papa anunsia Kardeál foun sira, iha 2019 fulan Maiu tinan 2022, antes halo Investidura ba Prezidente Repúblika eleitu José Ramos Horta, Parlamentu Nasionál, aprova rezolusaun ida ba deklara adezaun Timor-Leste ba kona-ba Fraternidade Umana, ba Pas no Konvivensia komún, ne’ebé Amu Papa Francisco ho Grã Imame Ahmad Al-Tayyeb assina “Documento sobre Fraternidade Humana” iha Abu Dhabi, 4 de Fevereiru 2019.

Nia dehan, eventu hirak ne’e la mosu Por a Case, maibé iha sentidu ba fiar sarani, no iha sentidu kona-ba relasaun ho Konvivensia umana iha mundu atuál.

“Eventu relioja hirak ne’e, ba ita Timor-Leste, tuir ha’u-nia reflesaun revela katak, sidadaun ida ne’ebé kaer metin nafatin nia fiar iha país ida, moris iha poder nasaun boot rua nia laran, poder revolusaun estadu segurar, ne’ebé iha kontestu Timor-Leste, ita temi Estadu de direitu demokrátiku,” Aniceito relata.

Lee Mós:
Komunidade Surikmas Selebra Aniversáriu Santu Arcanjo Na'in-Tolu

Aniceito subliña, poder Estadu euklajiastika, ohin estutura no funsaun ketak-ketak, maibé komplementar ba sidadaun hotu nia moris isin no klamar.

Povu Timor-Leste iha esperiénsia kona-ba Konvivensia no relasionamentu nu’udar sidadaun iha poder rua ne’e nia laran, Kapasidade sira ne’e mak lori estadu no Igreja mak ba serbisu hamutuk hodi realiza seremónia Relijioza ida ne’e, nune’e mak halo preparasaun no simu ho dignu ba Amu Kardeál foun.

“Ho prezensa Amu Kardeál foun iha Timor-Leste no adezaun ba Fraternidade Umana, ita hotu la obrigasaun nu’udar sarani ka fiar na’in, maibé tuir ida-idak nia Relijiaun no nu’udar sidadaun Estadu direitu demokrátiku, atu promove liuhusi ita-nia hanoin, liafuan no hahalok ka komportamentu ne’ebé manifesta ita apoiu morál, no apoiu Relijiaun kargu ba funsaun ne’ebé eminénsia Virgílio Kardeál do Carmo da Silva ba asumi,” Nia relata.

Lee Mós:
Durante Tinan 10, Telkomcel Iha Ona Povu Timor-Leste Nia Fuan

Deklarasaun Fraternidade Umana mós sidadaun nasaun ida-idak, atu kumpre diak-diak dever nu’udar fiar na’in ou nu’udar mós Polítiku, Governante ka sidadaun baibain, hodi hametin Pas, relasaun fraterna, solidariedade no Toleránsia konstrutiva.

“Ho nune’e, konfiansa Santa-se ba autoridade euklajiastika ba Governante, Polítiku no ba sarani no povu Timor-Leste bele sai ezemplár ba fiar Fraternidade Umana iha Mundu,” nia hakotu.

 2,090 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Timor-Leste Nasaun Dahuluk Adere ba Fraternidad…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: