ADVERTISEMENT

Sarani Sira Nadodon no Okupa Tasi-tolu Hodi Partisipa Santa Missa

Mario da Costa - Relijiaun
Reportajen : Estaziada Ermelinda Caet
Editor : Mario da Costa
  • Share
Sarani Sira Nadodon no Okupa ona areadores Uma-adat Tasi-tolu hodi partisipa Santa Misa ne'ebe selebra hosi Dom Virgilio Kardeal do Carmo da Silva, Imaje TP/Ermelinda Caet

DILI (Timor Post) – Sarani Kreda Katólika Timor-Leste, hosi dioseze Dili, Baukau no Maliana, konsentra iha Tasi-tolu, hodi partisipa selebrasaun misa Liman moruk Sua Eminensia Dom Virgílio Kardeál do Carmo da Silva SDB.

Tuir Observasaun Timor Post Online, sarani sira tantu, ferik, katuas, joven no labarik sira iha oras tuku 1:00 Nadodon no balun okupa ona área uma adat Tasi-tolu hodi hein partisipa  santa missa ne’e.

ADVERTISEMENT
SCROLL FILA BA NOTISIA

Tuir Informasaun hosi komisaun organizadór ba eventu ne’e, katak Santa Missa sei marka prezensa hosi reprezentante Bispu hosi Nasaun viziñu Indonézia nian liuliu Nusa Tenggara Timur (NTT), Atambua no Kupang, Austrália no sarani sira hosi Dioseze Dili, Baukau no Maliana.

Lee Mós:
Simu Kardeál, Polísia Tránzitu Taka Dalan ba Aeroportu Komoro

Iha Santa Missa ne’e, tuir ajenda katak hafoin palavras boas vindas hosi Prezidente Komisaun Organizadór, Padre Guilerminho da Silva, sei iha mós diskursu hosi Primeiru Ministru, Taur Matan  Ruak no Bispu Dioseze Maliana, Dom Norberto do Amaral.

Missa agradesimentu ne’e sei realiza iha oras tuku 16h00 to’o 18h00 kalan iha Tasi- , no ikus liu sei Taka ho konsertu muzika Espirituál iha oras tuku 19h00-23h00.

Tasi-tolu naran ne’ebé foti hosi lokalizasaun lagoa boot tolu, partense na Aldeia 12 Outubru, Suku Komoro, Postu Administrativu Dom Aleixo. Parte Leste Kapitál Díli, nu’udar entrada estrada protokolu ba Munisípiu Likisá, Ermera, Maliana no fronteira Atambua.

Lee Mós:
Sarani Hobur Kardeál Dom Virgílio Hosi Estrada Komoro To'o Vila-Verde

Tasi-tolu la’ós foun iha istória Timor-Leste, ohin Kardeál dahuluk Timor-Leste nian hamrik iha altar hanesan ne’ebé uluk hamrik ona hosi Santo Padre, João Paulo II, iha 12 Outubru 1989, hodi selebra Santa Missa ba sarani sira.

Maluk sira ohin Tersa (06/09), hanesan loron ksolok ba Timoroan tomak, tanba Kardeál dahuluk rai Timor ninia oan rasik, Dom Virgílio Kardeál do Carmo, sei hala’o misa boot ba sarani sira.

Dom Virgílio Kardeál do Carmo da Silva, moris iha Munisípiu Baukau, Postu Administrativu Venilale, iha loron 27 fulan Novembru tinan 1967, oan husi Ai-fuan domin entre, Isabel da Silva ho Matebian José do Carmo.

Lee Mós:
Sarani Laran Metin iha Na'i Maromak Liuhosi Orasaun

Dom Virgílio sai Amu Bispu iha tinan 2016, hafoin nomeia husi Papa Francisco Bento XVI, no iha tinan 2019 foti nia sai hanesan Arsebispu Arkedioseze Metropolitana Dili, no kontinua iha loron 27 fulan Maiu Papa Francisco anunsia tan hodi hili nia sai Kardeál dahuluk Timor-Leste nian.

 1,097 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Sarani Sira Nadodon no Okupa Tasi-tolu Hodi Par…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: