ADVERTISEMENT

Timor-Leste iha Kardeál, Lere: Marka Diferénsia iha Ázia

Mario da Costa - Relijiaun
Jornalista : Mariano Abi
Editor : Mário da Costa
  • Share
Tenente Jenerál Reformadu, Lere Anan Timur, Imajen TP Mariano Abi

DILI (Timor Post) — Xefe Estadu Maiór Jenerál Forsa Armada, Tenente Jenerál Reformadu Lere Anan Timor (LAT), hatete Timor-Leste marka diferénsia iha Ázia tanba iha ona Kardeál ida.

“Iha Ázia ne’e ita marka diferénsia mak ita iha Kardeál, diferénsia iha funu laran, ita Timoroan na’in rua simu co-laureado ba Nobel da Paz, iha Ázia nia laran”, nia hateten hafoin partisipa missa iha Katedrál, Segunda (05/09).

ADVERTISEMENT
SCROLL FILA BA NOTISIA


Nia dehan, ida ne’e hanesan orgullu boot iha Timor no motiva mós ba jerasaun foin sa’e sira tenke banati tuir aman sira ne’ebé hetan poder Maromak nian hodi ukun rai Timor ne’e.

Lee Mós :
Ohin Dom Virgílio Fó Pose ba Amu Pároku Foun Parókia Dare

“Ha’u hanoin katak, dala ida tan onra ba ha’u no ba Timoroan hotu-hotu,” nia afirma.

Alende ne’e nia fó hanoin ba futuru liuliu joven sira nian, katak Igreja Katólika iha papél boot liu tebe-tebes iha komunidade no sosiedade nia leet.

“Eduka la’ós atu sai matenek no polítiku de’it, maibé eduka atu sai matenek no sarani di’ak,” LAT dehan.

Nia hatete, ida ne’e mak tuir LAT nia hanoin katak, Timoroan hotu-hotu liu-liu jerasaun foin sa’e sira fiar ba Maromak, hateke kultura, Timor sei buras no forti nafatin.

Lee Mós :
Sarani Hobur Kardeál Dom Virgílio Hosi Estrada Komoro To'o Vila-Verde

Alende ne’e nia subliña, PR Horta nia diskursu katak, só iha de’it monumentu seluk komparável mak bainhira Santo Padre Francisco ho Grã Imame Ahmad Al-Tayyeb assina “Dokumentu sobre Fraternidade Humana” iha Abu Dhabi, 4 de Fevereiru 2019.

Husi Higher Committee of Human Fraternity, iha Abu Dhabi, liuhusi Sekretáriu Jerál Muslim Council of Elders, ba Kardeál Virgílio, deseja atu Timor-Leste sai ezemplu nu’udar primeiru Estadu, ho primeira Relijiaun husi Katólika ne’ebé halo adezaun ba promosaun fraternidade umana.

Lee Mós :
Ponte Boking Kotu, Afeta Movimentu Komunidade Malaka, Kupang no Timor Leste 

“Fraternidade umana Timor-Leste hatudu katak, ita iha ne’e laiha diskriminasaun iha Relijiaun nia laran tantu Islam, Protestan ne’e ita mesak Timoroan ida-idak iha ninia fiar, no Timor ne’e la’ós ko’alia de’it maibé hatudu mós iha prátika, ida ne’e mak importante liu, hanesan ha’u dehan Timor marka diferensia iha Ázia nia laran,” nia hakotu.

 2,384 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Timor-Leste iha Kardeál, Lere: Marka Diferénsia…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No