ADVERTISEMENT

Eminénsia Kardeál Dom Virgílio Agradese ba Povu Timor-Leste

Mario da Costa - Relijiaun
Jornalista : Cardenio Alves
Editor : Mario da Costa
  • Share
Kardeál Dom Virgílio do Carmo da Silva, ko'alia iha Konferénsia Imprensa iha Aeroportu Nicolau Lobato Komoro, Imajen TP/Cardenio Alves

DILI (Timor Post) – Eminénsia Kardeál Dom Virgílio do Carmo da Silva, bainhira to’o iha Aeroportu Nicolau Lobato Komoro, liuhusi Konferénsia Imprensa fó agradese ba Povu Timor-Leste.

Na’i Ulun igreja katólika Timor Leste ne’e mós agradese ba Prezidente Repúblika, José Manuel Ramos Horta, tanba serimónia ne’e Xefe Estadu sei partisipa oras balun de’it, sei iha visita servisu ba Austrália.

ADVERTISEMENT
SCROLL FILA BA NOTISIA


Nune’e Dom Virgílio mós fó agradese ba apoiu tomak hosi Sarani sira iha diáspora, englaterra, Irlanda, Portugal no Sira seluk ne’ebé enforsu to’o iha investidura ne’ebé halo iha Roma-Italia.

Lee Mós :
Parókia Bekora Selebra Aniversáriu São Tiago ba Da-37

Observasaun Timor Post Online, hafoin konferénsia imprensa iha Aeroportu Komoro, iha tuku 08:9, Kardeál Dom Virgílio, sae karreta marka Jeep, no akompaña hosi Amu Bispu Dioseze Maliana, Dom Norberto da Silva, Prezidente Repúblika José Ramos Horta, ho sarani sira ba Igrejas Katedrál.

Kardeál Dom Virgílio do Carmo da Silva, sae karreta ho marka Jeep ba Igreja Katedrál, Imajen TP/Ermelinda Caet

Maluk sira ohin Segunda (05/09), hanesan loron ksolok ba Timoroan tomak, tanba Kardeál dahuluk rai Timor ninia oan rasik, Kardeál Dom Virgílio do Carmo, fila hikas mai nia rai moris fatin hodi kontinua servi uma kreda Katólika Timor-Leste.

Lee Mós :
Hein Ho Pasiensia, Sei Lori Ba Ksolok “Imi ba haktuir ba João konaba saida mak imi haré no rona”

Kardeál Dom Virgílio do Carmo da Silva, moris iha Munisípiu Baukau Postu Administrativu Venilale, iha loron 27 fulan Novembru tinan 1967, oan husi fuan domin entre, matebian José do Carmo ho Isabel da Silva.

Kardeál Dom Virgílio do Carmo da Silva, sai Amu Bispu iha tinan 2016 hafoin nomeia husi Papa Francisco Bento XIV, no iha tinan 2019 foti nia sai hanesan Arsebispu Arquidiocese Metropolitana Dili, no kontinua iha loron 27 fulan Maiu Papa Francisco anunsia tan hodi hili nia sai Kardeál dahuluk Timor-Leste nian.

 2,443 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Eminénsia Kardeál Dom Virgílio Agradese ba Povu…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No