ADVERTISEMENT

Misa Agradesimentu ba Loron Konsulta Popular Sarani Partisipa La másimu

Mario da Costa - Relijiaun
Jornalista : Estaziada Ermelida Caet
Editor : Mário da Costa
  • Share
Padre Juvito do Rego, Imajen Esp.

Dili (Timor Post) – Amu Selebrante Misa agradesimentu ba loron Konsulta Populár 30 Agostu 1999, Padre Juvito do Rego, preokupa sarani barak mak la partisipa hodi fó agradese ba loron importante ne’e.

Nia hetete, tuir loloos ema hotu tenke mai partisipa hodi fó agredese, tanba loron ida boot ba nasaun mak loron Konsulta Populár.

ADVERTISEMENT
SCROLL FILA BA NOTISIA


“Ohin ita dehan loron ida ne’e sagradu, ne’ebé ema hotu tuir loloos tenke mai agradese, maibé ema ita oan ne’e de’it mak mai misa, ne’ebé ohin ita oan ne’e labuat ida reprezenta”, nia hateten hafoin remata misa agradesimentu ba loron Konsulta Populár iha Igreja Katedrál, Vila-Verde, Segunda (29/08) .

Lee Mós :
Sarani Sira Tenke Halo Sakrifísiu Iha Tempu Kuarezma

Nia dehan, loron ne’e importante tanba la’ós funu no polítiku sira mak deside nasaun ne’e nia independénsia, maibé povu mak deside.

Sarani sira partisipa misa agradesimentu ba Loron Konsulta Populár iha Igreja Katedrál, Vila-Verde, Segunda (29/08), Imajen TP/Ermelinda Caet.

Desisaun politika hotu mout iha desizaun Povu nian, maibé hot-hotu la hatene atu agradese, no Povu ida ne’e komesa ba daudauk no lakon daudauk ona, lakon fiar tanba dignidade atu hatene agradese ne’e laiha.

“Tanba ne’e mak ohin ha’u temi instituisaun sira hotu no Na’i Ulun sira hotu, Prezidente, Primeiru Ministru, karik 30 de Agostu laiha, ho nune’e atu fó hanoin ba Ema katak loron ida ne’e importante ida maibé ita haree Selebra ne’e malirin hela de’it, ita laiha animu ida ne’ebé atu halo Festa, no tuir loloos ne’e halo feira boot iha ne’e pelumenus loron hirak ne’e hot-hotu Selebra to’o 4 de Setembru, tanba uluk avizu to’o 4 Setembru no maka rona rezultadu no iha tempu ne’ebá mós rezultadu sai mai matan been no ran mós falar sai hotu mai”, nia hateten.

Lee Mós :
Governu Komemora Loron Konsulta Populár ho Misa

Tanbá ne’e Na’i Lulik ne’e konsidera, unidade nasionál laiha, tanba ohin loron ida ne’e simbolu Unidade Nasionál nian, kuandu la selebra buat sira ne’e, entuan Timor moris nafatin iha diskripansia, lia la hanesan, hafuhu malu de’it iha media no tiru malu de’it iha partidu ho nune’e mak haluha tiha fraternidade ne’ebé hari hodi lori mai manan hamutuk, tanba Unidade Nasionál ne’e maka halo Timor- Leste manan, maibe unidade agora komesa naksobu mak Vitoria la selebra.

Lee Mós :
“Hakribi Salan no Fiar Evanjelho” Husi Cinzas ba Paskoa: husi ulun ho ahu-kdesan ba fuan mós ho Kristo

“Ha’u dehan nasaun ida ne’e malirin tanba ema la mai selebra misa agradesimentu ba loron konsulta popular nian, Timor ne’e tinan 1999 mak ita oan ne’e de’it ka barak mate ona, barak maka sei moris, maibé la hatene atu mai misa, sorte loron ida ita Ukun Rasik an ona, se loron referendu laiha karik ita atu ba ne’ebé, ita hela iha Nasaun Indonézia nia okos”, nia hakotu

 2,032 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Misa Agradesimentu ba Loron Konsulta Popular Sa…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No