ADVERTISEMENT

Arsebispu Dom Virgílio Ho Delegasaun Sama-ain Ona iha Roma

Mario da Costa - Internasional · Relijiaun
Reportajen : Mariano Abi
Editor : Asisten Hermenegildo da Costa Tilman
  • Share
Arsebispu Dom Virgílio do Carmo da Silva, ho Ekipa delegasaun to'o ona Roma-itália, Imajen Esp.

Itália (Timor Post) — Arsebispu Arkidioseze Metropolitana Dili, Dom Virgílio do Carmo da Silva, akompaña husi Padre Ivo Martins da Silva no delegasaun husi Parlamentu Nasionál to’o ona Roma-Italia iha oras 1:25 horas Roma-Itália.

Arsebispu ho delegasaun husi Órgaun Lejizlativu hamutuk na’in-4 Xefia husi Vise Prezidente Parlamentu Nasionál (V-PPN), Angelina Sarmento, simu diretamente husi ekipa Protokolu Komunidade Timoroan iha Itália (COMTIL) no Embaixadora Timor-Leste ba Vatikanu, Juvita Rodrigues Ataíde Gonçalves.

ADVERTISEMENT
SCROLL FILA BA NOTISIA

Tuir komunikadu husi ekipa SKS, katak Embaixadora Timor-Leste (TL) ba Vatikanu, Juvita Rodrigues B. Ataíde Gonçalves, hato’o benvindu bá Arsebispu Dili ne’ebé hala’o viajen hamutuk ho delegasaun PN ho di’ak tebes.

“Benvindu ho orgullu ami Embaixada hamutuk ho komunidade Timoroan sira bele simu Amu Bispu hamutuk ho deputadu sira hodi hala’o viajen husi Timor-Leste to’o mai Itália, hodi hein prosesu investidura ba ita-nia Arsebispu nu’udar Kardeál dahuluk ba Timor-Leste hamutuk ho Bispu sira, husi nasaun seluk,” Embaixadora Juvita agradese.

Lee Mós:
Serimónia Kardeál Dom Virgílio, Konvida Bispu Hosi Nasaun Viziñu

Enkuantu reprezentante Madre Kongregasaun SSPS, Joana Soares, hamutuk ho komunidade Timoroan sira sente orgullu, tanba bele halo preparasaun hodi simu Arsebispu Dom Virgílio ho delegasaun ho atividade simples tara tais no entrega ai-funan fresku.

“Ami reprezenta Timoroan tomak organiza hamutuk ho ita-nia Embaixadora ho orgullu, hodi reprezenta Timoroan tomak ne’ebé hela iha Europa liuliu iha Itália, ho domin boot hato’o ami-nia benvindu ba Arsebispu, tanba agora ami sente la mesak agora mai hamutuk ho ita iha Itália,” Madre Joana dehan.

Lee Mós:
Prezidente Horta Sei Halo Vizita Estadu ba Singapura

Arsebispu Arkidioseze Metropolitana Dili, Dom Virgílio do Carmo da Silva, mós hato’o agradese ba preparasaun hosi Embaixada Timor-Leste iha Vatikanu hamutuk ho Timoroan sira hodi simu nia viajen iha Aeroportu.

“Ha’u agradese ba imi-nia preparasaun tomak hodi simu viajen ida ne’e, ha’u hato’o de’it ba ita hotu hato’o agradese ba Na’i Maromak nia planu furak sira ba ita-nia rain Timor-Leste,” Dom Virgílio dehan.

Hosi Aeroportu, ekipa akompaña Arsebispu Arkidioseze Metropolitana Dili, kontinua ba hela iha rezidénsia Kazál de Santa Marta iha Vatikanu.

Dom Virgílio sei simu investidura hosi Papa Francisco sai Kardeál dahuluk iha Timor-Leste iha loron 27 fulan Agostu, nu’udar prezente furak ida hosi Papa Francisco, hodi fó orgullu povu Timor-Leste, ne’ebé maioria nu’udar sarani Katólika iha rejiaun ASEAN.

Lee Mós:
Xanana Partisipa Investidura Kardeál Dom Virgílio iha Roma

Bispu Dom Virgílio, sei hela hamutuk ho bispu na’in-2 seluk kompostu husi kandidatu kardeál foun na’in-8 hosi Europa, neen (6) hosi Ázia, rua (2) hosi Áfrika, ida (1) hosi Amérika Norte, haat (4) hosi Amérika Sentrál no Latina Amérika nian sei hela hamutuk hodi prepara hamutuk serimónia kriasaun ba sai kardeál foun hosi Amu Papa Francisco, iha Bazílika São Pedro Vatikanu.

 1,556 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Arsebispu Dom Virgílio Ho Delegasaun Sama-ain O…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: