ADVERTISEMENT

Na’i-Lulik Na’in-2 Simu Ordenasaun Saserdotál

Mario da Costa - Relijiaun
Reportajen : Ermelinda Caet
Editor : Mario da Costa
  • Share

Dili (Timor Post)-Ohin loron 30 Fulan Jullu 2022, misa Eukaristia ba Na’i-Lulik foun Rua, maka Padre Marito Carlos Monteiro, no Padre Calisto Seco Colo, simu Ordenasaun Saserdotál liuhusi Arsebispu Metropolita Dili, Kardinal Dom Virgílio do Carmo da Silva, iha Igreja Katedral da Imaculada Conceição de Maria.

“Ohin loron ha’u simu Ordenasaun Saserdotál ne’e ha’u haksolok tebes ho grasa ida ne’ebé ha’u la Soi atu simu, maibé Maromak fihir ha’u no ha’u tama iha dalan ida ne’e, tanba ne’e ha’u agradese tebes ba Na’i Maromak ba Grasa tomak ne’ebé haraik mai ha’u durante ha’u nia formasaun ne’ebé iha zezuita, kuaze tinan 17 nia laran”, hateten Na’i-Lulik Foun, Marito Carlos Monteiro, husi Munisipiu Vikeke, hafoin Ordenasaun Saserdotál iha Igreja Katedral, Vila-Verde, Sábadu (30/07) .

Nia dehan, viajen naruk tebes no tempu araska tebes liuliu iha estudu nian, buat barak dala-ruma estres, maibé tanba Maromak nia Grasa no Maromak akompana nafatin hodi to’o rohan no susesu.

Na’i-Lulik Na’in-2 ne’ebé Simu Ordenasaun Saserdotál iha Igreja Katedral.

“Istória naruk tebes, maibé ha’u konta habadak de’it katak mama maka hatuda dalan ida ne’e no nia mak lori ha’u ba hodi tuir formasaun iha lahane, ne’ebé haree nia hanesan matadalan ba hau”, nia haktuir “Maromak mak bolu ha’u atu sai bibi atan hodi servi ba ema sira ne’ebé kbiit laek, ki’ak, no Sira ne’ebé presiza tebes Maromak nia domin”, nia dehan.

Lee Mós:
KNJKTL Introdús Jornada Nasionál ba Xefe Estadu

Entretantu Na’i-Lulik Foun, Calisto Seco Colo, husi Rejiaun Administrativa Espesiál Oe-Kusi Ambeno (RAEOA), afirma nia hanoin la’ós ohin maka Senti kontente, tanba durante preparasaun sira no bainhira Komunidade halibur malu ba nia Ordenasaun Saserdotál ne’e nia sente kontenti los.

“Ho ida ne’e, ha’u agradese ba Na’i Maromak, tanba Grasa boot”, nia hateten.

Nia Konta, uluk nia iha mehi seluk, maibé depois dalan ida ne’e nia lahatene iha Maromak ninia dalan sira.

Lee Mós:
Xanana ho Kardeál Virgílio Agradese Amu Papa Francisco

“Ha’u la espera tanba zezuita atu sai Na’i-Lulik, maibé ha’u Eskola iha Ensinu Báziku Central Natarbora pertanian tiha, depois determina ha’u konhese zezuita sira no formasaun kapas los entaun ha’u dehan Eskola sira ne’ebé ha’u buka mak ida ne’e, entaun ha’u tama koko de’it, maibé to’o agora ha’u susesu no sai la di’ak, no mós ha’u Sente kontente los”, nia hakotu.

 1,107 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Na’i-Lulik Na’in-2 Simu Ordenasaun …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: