DILI (Timor Post) — Sakramentu Matrimonial ka Kaben nu’udar grasa ida ne’ebé Maromak fó ba ema hodi bele hatutan nia misaun iha mundu ne’e.
Padre, Mario Sousa, SDB, iha nia omilia Sábadu (23/07) iha igreja Pároku Maria Auxiliadora, ba kazál ida, Bernadina Cesaltina do Carmo Ribeiro ho Brígido Lima Sousa Ximenes, hatete Sakramentu ne’e halo iha igreja, maibé iha igreja partisipasaun husi família la barak, sakramentu ne’e sira fó ba malu iha igreja la’ós iha fatin hanesan Timor Lodge, Delta Nova, Paradise no Mahoka, maibé família barak mak hein iha festa no la importa atu tuir no asiste Misa.
Nia dehan, liuhusi batizmu Maromak bolu ema ida-idak atu konsagra-an tomak ba nia. Maromak bolu ema ida-idak ba moris santidade nian ka moris iha uniaun intima, no inseparavel ho Maromak.
“Santidade ka moris santu ne’e duni mak Maromak nia dezeju mai ita ema. São Paulo, dehan ba sarani sira iha Galatia katak, Maromak nia hakarak ne’e ida de’it, ita ema nia santidade”, nia hateten.
Nia esplika, Sakramentu matrimoniál ne’e sai sakramentu tanba iha ema na’in rua ne’ebé imperfeitu, hakarak konvida ida ne’ebe perfeitu Maromak mai fó bensa ba sakramentu ne’ebé sira rua fó ba malu.
‘Asembleia sai sasin, kreda amu lulik haraik bensaun iha momentu ne’ebá ita dehan maski ami rua imperfeitu maibé ami hakas an atu kolabora ho Maromak ne’ebe perfeitu atu harii ami-nia família sai di’ak liu tan”, tenik nia.
Iha livru genesis katak maromak halo lalehan ho rai no buat hotu maibé la kmanek, bainhira mundu laiha ema, hafoin ema iha tiha nia mesak ne’ebé koñesidu Adão, se-kmanek-liu bainhira ho ninia sorin ka doben mak hanesan tuir mai ne’e: Sebab itu seorang laki-laki akan meninggalkan ayahnya dan ibunya dan bersatu dengan isterinya, sehingga keduanya menjadi satu daging. Mereka keduanya telanjang, manusia dan isterinya itu, tetapi mereka tidak merasa malu. Kej 2:24-25.
“La’en ho fen nu’udar parseiru ka par ida ne’ebé kesi ona hamutuk ho kadeli aliansa ne’ebé jura iha ema barak nia oin, katak saida de’it iha kualkér situasaun simu malu nafatin atu di’ak ka at, tenke obediénsia no tulun malu hanesan fen no hanesan la’en, moris hamutuk iha uma kain ida”, hateten Na’i Lulik ne’e.
Padre haktuir, iha moris família mane sei husik nia inan-aman hodi ba horik hamutuk ho nia fen hodi tulun malu sai ida de’it, la’en sai tulun ba fen, no fen sai tulun ba la’en iha tempu susar no kontente.
Atu família moris Fiél ba malu iha tempu di’ak no tempu at nia laran, basá família maka sai fundasaun sosiedade nian se família la moris tuir regra sosiedade no mós família nia papel importante iha sosiedade ida nia laran, ohin loron ema kaben tuir lei ne’ebé iha ona tantu Kristaun ou relijiaun sira seluk iha mundu rai klaran ne’e.
Kaben na’in di’ak tenke tulun malu ba moris nu’udar kazál nian, tanba la’ós rua ona maibé sai ida de’it ona, la’ós tan ema rua, tan kesi ona ho domin metin tanba domin maka aliserse ba kaben na’in sira.
Antes hakotu Padre Pároku Maria Auxiliadora Comoro, João Maria Roque Guterres SDB, apela dala ida tan, hodi fó hanoin kona-ba liafuan-xave tolu ba vida kaben-na’in nian: lisensa, obrigadu no deskulpa. Ho liafuan tolu ne’e, ho orasaun husi la’en ba feen no husi feen ba la’en no hodi halo dame, iha família nia laran.
448 total views, 3 views today
