Sarani Laran Metin iha Na’i Maromak Liuhosi Orasaun

Mario da Costa - Relijiaun
Reportajen : Ermelinda Caet
Editor : Mario da Costa
  • Share

Dili (Timor Post)- Padre Manuel Pinto, hatete nu’udar sarani tau laran metin no fiel ba Na’i Maromak liuhusi ida-idak ninia orasaun, tanba orasaun maka matadalan ba moris tomak.

“Ohin Domingu baibain ba sanulu resin Hitu (17) ita laran metin ba Na’i Maromak no fiel ba nia iha ita-nia orasaun, tanba orasaun maka ita-nia Matadalan ita-nia moris lor-loron nian”, nia omilia iha Igreja Nossa Senhora das Graças Tasi-tolu, Domingu (24/07).

ADVERTISEMENT
SCROLL FILA BA NOTISIA

Tanba ne’e, nia dehan ohin hotu-hotu mai parsipa iha misa Eukaristia ne’e hodi reza, kalan-kalan Reza tersu iha Uma, Reza iha atividade loron-loron nian, tanba lakohi atu hadok an husi Na’i Maromak.

“Na’i Maromak nu’udar ita-nia Aman di’ak no Papa iha ita-nia Vida Loron-loron nian, tantu iha susar nian laran no mós iha ksolok nian laran, nune’e Selebra ita-nia misa ida ne’e hodi tau nafatin ita-nia konfiansa iha Na’i Maromak nu’udar ita-nia Aman liuhusi ita-nia intensaun ka orasaun sira”, nia hateten.

Lee Mós:
Koordenadór Musulmanu Duni Fila Jornalista Husi Masjid Al-Amal

Nune’e Na’i Lulik ne’e husu ba sarani sira tenke Agradese ba Na’i Maromak tanba nia laran luak, mizerikordia sempre tau matan no atende ba ida-idak ninia nesesidade sira iha momentu ne’ebé harohan ka husu buat saida de’it ba nia.

Tanba ne’e tema liturjia ohin loron ko’alia kona-ba orasaun, diálogu, no interasaun ba Na’i Maromak iha moris lor-loron nian tantu susar no ksolok nia laran.

“Ita la harohan no la husu de’it ba Na’i Maromak bainhira ita hetan susar, difikuldades ka terus, maibé ita mós agradese no harohan ba Na’i Maromak bainhira ita haksolok, kontenti ba buat di’ak ne’ebé ita simu husi Na’i Maromak”, tenik nia.

Lee Mós:
Na'i-Lulik Na'in-2 Simu Ordenasaun Saserdotál

Nia afirma, Na’i Maromak hakarak atu haree parte ne’ebé pozitivu iha ida-idak ninia moris hodi nune’e tau matan, sadia, hanoin no salva.

“Iha evanjelu ohin ita rona Pasajen ne’ebé uluk nanain apostulu sira ne’ebé husu ba Jesus atu hanorin sira hodi harohan ba Na’i Maromak liuhusi orasaun, tanba ne’e maka to’o ohin loron ita kontinua reza nafatin liuhusi orasaun maka hahú husi liafuan Na’i, Aman ka Papa”, Manuel esplika.

Nune’e nu’udar Nai Maromak ninia Oan Mane ka ninia oan feto sira sempre hatudu ida-idak ninia relasaun Fiel ba Na’i Maromak iha liuhusi orasaun sira.

Lee Mós:
Governu Tenke Buka Hatene Konstrusaun Igreja Ai-mutin

“Ita-nia orasaun iha ninia relasaun maka oan no Aman iha ninia karakter domin entre Oan no Aman, ne’ebé kuandu ita harohan ka ita husu ba Na’i Maromak, ita husu ho domin no haraik an, husu nu’udar oan, husu la ho tauk no mós la ho duvidas, tanba buat hotu ne’ebé ita husu ba Na’i Maromak nia sei haraik mai ita bele liuhusi maneira seluk no meus seluk, tanba Nai Maromak hakarak atu ita husu ba nia nu’udar Aman di’ak nia sempre atende ba saida de’it maka ita hakarak iha ita-nia moris lor-Loron nian”, nia hakotu.

 227 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Sarani Laran Metin iha Na’i Maromak Liuho…” A few seconds ago
  • Share

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: