ADVERTISEMENT

Asosiasaun Turizmu Relijiozu Loke Rejistu Kompetisaun Kanta

Mario da Costa - Relijiaun
Jornalista : Jerimias Soares
Editor : Augusto Sarmento
  • Share

DILI (Timor Post)—Kompetisaun koru no vokál grupu 2022 prémiu taxa Avo Nana sei hahú rejistu iha Segunda-Feira 18 Jullu 2022 (read ohin) no sei termina iha loron 29 Jullu 2022.

Koordenadora Jerál, Glenda Carvalho, hatete hafoin Asosiasaun Turizmu Relijiozu Timor Leste (ATR-TL) estabelese iha 25 Marsu 2019, iha tinan 2022, ATRTL hetan fiar husi ekipa Avo Nana hodi organiza kompetisaun múzika hodi halibur foin-sa’e sira ne’ebé iha talentu iha múzika Korál no Vokál Grupu.

ADVERTISEMENT
SCROLL FILA BA NOTISIA


Kompetisaun múzika ida ne’e, hetan apoiu másimu husi Avo Nana ho Ekipa, no lider relijiaun lima mak hanesan Katólika, Protestante, Izlámiku, Indú no Konfúsiu ne’ebé hamahan-an iha Asosiasaun Turizmu Relijiozu (ATRTL).

“Kompetisaun koru taxa Avo Nana ba dala uluk ne’e, ho nia tema “konsolidasaun Fraternidade Humana” Tema ida ne’e bazeia ba deklarasaun Amu Papa Francisco Lauda to si hodi promove fraternidade umana. Juri ba Kompetisaun mai husi kompozitór múzika, kantór sira ne’ebé iha ona esperiénsia iha múzika inklui iha múzika korál no vokál grupu”, Glenda deklara liuhusi konferensia impresa iha edifisiu ATR-TL Vila Verde, Sabádu (16/07).

Lee Mós :
Fatin Turizmu Relijiozu São Paulo II Menus Vizitante

Glenda hatete, objetivu husi kompetisaun ne’e atu fo apresiasaun no selebra Lider Karizmátiku Xanana Gusmão nia tinan ba dala-76, promove foin sa’e sira nia talentu iha área múzika, inklui hametin unidade no fraternizasaun umana iha diversidade, kultura, rasa no kór oi-oin.

Prosesu rejistu kompetisaun Koru no Vokál grupu, sei hahú iha 18-29 de Jullu 2022 ( semana tolu) iha Sede Asosiasaun Turizmu Relijiozu, Vila Verde Dili

Ba kategoria koru loke grupu kategorial husi Igreija sira no grupu husi relijiaun 5 ne’ebé eziste iha RDTL. Partisipante idade ba kategoría ne’e idade tinan 15-45. Ba kategoria vokál group loke ba Estudante sekundária hotu iha Kapitál Dili ho idade tinan 15.

Lee Mós :
Hadomi Turizmu, Hadomi Timor Leste

Múzika ba kompetisaun, Grupu Koru múzika obrigatoriu mak Kadalak Suli Mutu no Bela labelai o. Múzika Eskollidu mak múzika rohani tuir idak-idak nia relijiaun.

Ba Vocal Group nian múzika obrigatoriu mak Ina Lou no O Rai Timor Furak Timor Loro Sa’e. Muzika Eskollidu mak múzika rohani tuir idak-idak nia relijiaun. Arasment ho Koreo halo rasik husi grupu.

Kritériu Atu Tuir Konkursu, kada grupu husi modalidade idak-idak sei mai rejistu iha ATR, lori foto copy kartaun eleitotal/BI. Grupu Koral/Paduan suara partisipante masimu ema na’in 50. Vocal Gropu masimu na’in 20. Modalidade idak-idak sei lori múzika obrigatoriu ida no múzika eskollidu hanesan mensiona ona.

Glenda dehan, kompetisaun sei fahe ba parte 3 iha kada modalidade ( Koru no Vokal Grupu) mak hanesan tuir mai ne’e, rejistu husi grupu dia 11-25 de Jullu 2022. Pra Audisi sei hala’o iha inisiu Agostu 2022. Grand Final sei hala’o iha meadu de Setembru 2022.

Lee Mós :
Pe. Paiva: Husu Joven Sira, Kontribui Paz Iha Tempu Semana Santa

Prémiu ba manan na’in ba kategoria idak-idak (koru/paduan suara no vokal group) sei fahe ba klasifikasaun 1-5 lugar no klasifikasaun Favoritu 1, hamutuk na’in 6.

1o lugar sei hetan osan $1.500 ho taxa rotativa + sertifikadu + tassa.

 2o lugar sei hetan osan $1.000 ho taxa + sertifikadu.

 3o lugar sei hetan osan $ 600.00 ho taxa + sertifikadu.

4o lugar sei hetan osan $ 400.00 ho taxa + sertifikadu.

5o lugar sei hetan osan $ 300.00 ho taxa + sertifikadu. No juara favoritu sei hetan osan $ 200.00 ho taxa + sertifikadu.

 2,853 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Asosiasaun Turizmu Relijiozu Loke Rejistu Kompe…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No