ADVERTISEMENT

KHUNTO Submete Ona Lista Kandidatura Ba Tribunal, Agustinho Naran La Iha

Augusto Sarmento - Polítika
Jornalista : Beatris Belo
Editor : Jeremias Soares
  • Share
Marito Magno,oficial partidu KHUNTO

DILI-Partidu Kmanek Haburas Unidade Nasional Timor Oan ( KHUNTO) submete ona lista kandidatura deputadu no lista supliente ba iha Tribunal Rekursu ( TR), maibe sekretario se Jeral KHUNTO, Agustinho da Silva naran la iha.

Partidu Kmanek Haburas Unidade Nasional Timor Oan ( KHUNTO) submete lista kadidatura deputadus no lista suplente ba iha Tribunal Rekursu ( TR) iha loron Tersa (14/03).

ADVERTISEMENT
SCROLL FILA BA NOTISIA


Konseleiru Nasional, Reprsenta Konseleriu Supremiu Partidu KHUNTO, Marito Magno, informa objetivu ohin presenza partidu KHUNTO nian mai iha tribunal Rekursu, hodi submete lista kadidatu deputadu neebe sei partesipa iha eleisaun parlamentár iha tinan 2023.

” Ami hatama ona lista efetivu hamutuk 90, kadidatura deputadus 65 no lista suplente 25 iha Tribunal Rekursu, husi numeru nee lista deputadus feto 23 no suplente feto 14,” dehan Marito ba jornalista sira iha tribunal Rekursu, Tersa (14/03).

Lee Mós :
António Verdial, Laiha Polítika no Planu Foun iha Ezekusaun Orsamentál

Nia dehan, la impedimentu ruma mak ba iha lista kandidatura no suplente, mais lista nee submete ona ba iha Tribunal Rekursu dentru loron 10 nia laran tuir lei hatete katak, tribunal sei verifika no karik dokumentu ruma la kompletu karik, notifika mai representa kandidatura nian, para partidu bele hadia.

Maibe, ami fiar katak, partidu KHUNTO prenxe rekezitu no hatama ho kuidadu, tanba ne’e hau hanoin katak ami sei prenxe rekezitu sira ne’e hotu .

Nia dehan, lista kadidatura nee, iha kandidatura foun no iha mos deputadu sira antigu sei nafatin atu, atu nunee para partidu KHUNTO nian partisipasaun iha debate no iha fikalizasaun no halao nia mandatu.

Lee Mós :
Membru Parlamentu Nasionál Periodu 2023-2028

“Lista kadidatura nee mai iha konkordansia hamutuk estrutura hotu, nee ami iha konkordansia balun tama no balun la tama, tanba ita hare katak desizaun partidu ida neebe nian,” nia dehan.

Nia dehan, Karik ba Governu nian se partidu Khunto involve iha Nuno Governun, entaun balun la tama lista deputadu nian bele ba iha membru Governu, ida ne’e desizaun Governu.

Enmuantu sekretario estadu Jose Agustinho da Silva, naran sei la tama iha lista kandidatura ba iha Deputadus.

” Sekretario Jeral Partidu KHUNTO naran la tama lista Kandidatura foun, Maibe nia ami muda ba iha membru Governu,” nia dehan.

Nia parte la bele koalia klean ba iha Sekretario Jeral Partidu KHUNTO nian, maibe sei publika sai iha jornal da Republika.

Lee Mós :
KHUNTO Fiar CNRT no PD

“Kona ba deputada Olinda naran iha ka lae, hau la bele fo hatene, maibe depois sai Jornal Republika mak ita boot sira hare,” nia afirma.

Aleinde nia dehan, Partidu KHUNTO preparadu, tanba estrutura partidu KHUNTO neebe mak halao nian Servisu no mos membru militante.

“Ita hatene ami nia kongresu nee, lao kedas iha 2020, nunee ami nia Estrutura halao kedas, tanba nee ami nia preparasaun ba konsolidasaun no dialogu neebe halao iha teritoriu tomak, tanba nee hau hanoin katak ami preparadu ba hasoru eleisaun Parlamentar,” nia hakotu

 2,512 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “KHUNTO Submete Ona Lista Kandidatura Ba Tribun…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No