Dili (timorpost.com) — Relasiona ho preokupasaun públiku kona-ba paradeiru ró haksolok, Eis Primeiru Ministru (PM) iha Sétimu Governu, Marí Alkatiri, rejeita opiniaun falsa hodi klarifika ba públiku, katak nia la deklara kona-ba antes Eleisaun Parlamentár (ElPar) Ró Haksolok to’o ona iha Timor-Leste.
“Ha’u la deklara ida ne’e, maibé ha’u dehan, finais de fulan Novembru, ho loron 28 ou 30 Novembru prontu ona iha Portugál, la’ós mai to’o Timor lae,” nia hateten hafoin enkontru ho Xefe Estadu iha Palásiu Prezidensiál, Bairru-Pité, Segunda (06/02).
Nia dehan, muito menus antes eleisaun, ne’e invensaun média ilegál balu ne’e mak hotu-hotu kaer buat ne’e.
“Antes ne’e ha’u la halo promesa, maibé ha’u lori solusaun. Ha’u dehan Ro ne’e sei mai duni, ha’u kuandu ko’alia ne’e ha’u fiar mak ko’alia, se ha’u la ko’alia, ne’e hanesan buat ida ne’ebé ha’u la fiar. Ro ne’e, ha’u dehan mai, mais la’ós ha’u dehan Ro ne’e mai molok antes eleisaun, ne’e bosok,” nia afirma.
Marí Alkatiri aumenta, planu atu konklui Ró Haksolok ne’e, hatudu ba nia (Alkatiri) dehan, “Se la’ós 28 Novembru ou 30 Novembru Ró ne’e prontu iha Portugál iha tinan 2023, ne’e mak ha’u dehan,” Alkatiri hakotu.
2,183 total views, 6 views today
