ADVERTISEMENT

PNTL Rejista Asidente Tráfegu-22, Na’in-Rua Mate

Timor Post - Defesa no Seguransa
Jornalista : Beatriz Belo
  • Share
Komadante Tranzitu Munisipiu Dili, Inspektor Xefe Domingos Sarmento Gama

DILI (timorpost.com)—Hahú iha loron 11 to’o 20 fulan ne’e, Polisia Nasionál Timor-Leste (PNTL), liuhusi Unidade Tránzitu Rodaviaria, rejista asidente Tráfegu hamutuk 22, inklui ema na’in-rua lakon vida iha area jurídiku munisípiu Dili.

Dadus ne’e fó sai husi Komandante Tránzitu Munisípiu Dili, Inspetór Polisia, Domingos Sarmento Gama, iha kna’ar fatin, komandu PNTL munisípiu Dili, Segunda (20/02/2023).

ADVERTISEMENT
SCROLL FILA BA NOTISIA


“Hahú husi dia 11 to’o mai dia 20 fulan Fevereiru ne’e, ita konsege rejista asidente Tráfegu hamutuk 22, na’in-rua mak lakon vida, asidente fatal ida akontese dia 17 iha Hera, no asidente fatal ida mós akontese iha dia 18, oras tuku 04:00, iha ponte CPLP Komoro”, nia relata.

Lee Mós :
Kazu Sela Kaikoli, Membru PNTL Nain-3 Hatan iha Tribunál

Nia dehan, vítima nian-rua ne’ebé mak lakon vida ne’e, ida akontese iha ponte CPLP nian ne’e naran João Moniz Tavares, hela iha Kampu Merdeka, suspeitu ne’ebé mak lori mikrolete ne’e inisiál NPP, no asidente ida ne’ebé akontese iha Hera, matebian naran Julião Sarmento Amaral, no suspeitu ho inisiál DCG.

Espera ba futuru labele akontese tan asidente ne’ebé mak fatal liu ba kondutór sira ne’ebé lori transporte la’o iha estrada públiku, liuliu iha kapitál Dili, tanba xave mak ne’e prevene, signifika tenke kuidadu no halai neineik, atu nune’e labele envolve asidente.

Lee Mós :
Promosaun Deviza ba Membru PNTL La Justu

No kronolojia ba asidente fatal ida ne’ebé mak akontese iha Hera ne’e, tanba joven minoridade sa’e tuir karreta truck, atu ba tula ai maran iha Hera, mak mosu asidente tanba joven ne’e tuur iha kapon leten, entaun kondutór atu ultrapasa mak monu tun husi karreta, rezulta mate fatin.

Aleinde ne’e, asidente ne’ebé mak akontese iha ponte CPLP nian ne’e kauza tanba motorizada ho mikrolete halai makas, motorista ne’e halai ho urjente mak hamosu dezastre ne’e. Lei bandu labele ultrapasa iha ponte leten, mais sidadaun ne’e koko atu ultrapasa, entaun soke mikrolete nian kotuk, tanba ne’e rezulta mate fatin.

Lee Mós :
Governu Husu Tulun ba TLPDP Apoia Forensik PNTL

Asidente iha Hera ne’e, nia prosesu submete ona ba iha Ministériu Públiku, no asidente iha ponte CPLP Komoro nian, prosesu seidauk haruka ba Ministériu Públiku, tanba sei rekolla dadus hothotu, hafoin haruka ba.

(Bet)

 918 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PNTL Rejista Asidente Tráfegu-22, Na’in-Rua Mate” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No