DILI (timorpost.com) — Komandante Jerál Polisia Nasionál Timor-Leste (PNTL), Komisáriu Polisia Faustino da Costa, alerta ba joven sira mantein prinsípiu atu la bele sai objetu aproveitamentu ba Partidu Polítika.
Nia hatete, eleisaun parlamentar sei monu iha tinan ne’e, daudaun partidu polítiku sira hametin partidu iha baze.
“Tanba ne’e, joven sira, ita boot sira mak ba futuru lideransa Partidu nian no instituisaun estadu hotu-hotu nian ne’e mak ita boot sira, tanba ne’e imi tenke tau imi-nia an iha prinsípiu ida, la bele imi sai fila fali objetu ba aproveitamentu, ne’e mak ha’u kakarak atu dehan,” nia hateten hafoin entervista eskluzivu iha Tatoli, Farol, Segunda (30/01).
Nia dehan, maski imi joven sira mai husi organizasaun saida no grupu saida maibé imi tenke iha prinsípiu no imi tenke mehi ba imi-nia futuru.
“Ha’u ko’alia ida ne’e, tanba ita boot sira mak sei troka lideransa partidu sira no ita boot mak sei troka lideransa estadu sira,” nia salienta.
Nia reforsa tan, joven sira tenke iha prinsípiu, tanba imi mak futuru hodi troka Lidersan estadu no troka lideransa partidu polítika.
1,168 total views, 3 views today
Bele hare Video Seluk :