DILI (timorpost.com) – Tanba Eis Ministru Interior, Longuinhos Monteiro, asegura Armas Brankas iha Uma, Jeneral Reformadu Tito da Costa Cristovão “Lere Anan Timur”, husu tenke lao tuir dalan Justisa.
Nia hatete, Polisia Sientifiku Investigasaun Kriminal (PSIK), detein eis Ministru Interior, Longuinhos Monteiro, tanba rai armas brankas Funu Ilegal iha nia rezidénsia area Loes, Postu Administrativu Maubara, Munisípiu Likisá.
“Foin daudaun PSIK hamutuk ho N2 ho J2, ita konsege hetan material funu nian iha hau-nia alin Longuinhos Monteiro, nia uma, ha’u hanoin katak ida ne’e Justisa, ha’u la bele fó sala ona Longuinhos Monteiro ka ou fó sala se, ha’u hanoin katak ita tenke lao tur dala Justisa nian,” nia hateten hafoin partisipa aniversáriu Polisia Militar nian iha Kintal boot Dili, Tersa (17/01).
Nia haforsa tan, kazu eis Ministru Interior, Longuinhos Monteiro, tenke liuhusi dalan Justisa, tanba kilat barak.
“Tanba ne’e, hau la’ós kondena ha’u-nia alin Longuinhos Monteiro, tenke detein hodi prosesu tuir dalan Justisa,” nia dehan.
Ikus nia dehan, Kazu Longuinho Monteiro, ne’e la’ós liga ba ano Polítiku, tanba iha faktus hanesan armas brankas iha eis Ministru Interior nia rezidénsia, tanba ne’e la bele liga ba anu Polítiku.
2,323 total views, 3 views today
Bele hare Video Seluk :