DILI (timorpost.com) – Atu selebra Natal, sidadaun sira maioria ho transporte ba iha loja no merkadu, halo engarrafamentu iha sidade Dili.
Tuir observasaun Media Online Timor Post iha terrenu, haree katak mosu engarrafamentu, tanba sidadaun sira ne’ebé iha transporte sira hanesan karreta ho motor laiha konxiénsia hodi para ho loloos.
Enkuntu fatin ne’ebé ohin mosu engarrafamentu makas mak, iha area rotunda Nicolau Lobato, Kolmera, merkadu manleuana, Audian, area Sahabat nian, Bairru Pite, Delta no iha Merkadu taibesi.
Fatin sira ne’ebé mosu engarrafamentu ne’e, tanba iha loja, balun fan ropa, balun loke merkadu baratu, balun fan hahán no balun fan katupa no seluk-seluk tan.
Enkuantu mosu engarrafamentu sira iha Dili, maibé laiha parte Polisia ida mak atu haree kona-ba ida ne’e, mosu engarrafamentu sira ne’e, tanba Transporte sira viola kódigu estrada mak hamosu engarrafamentu.
Nune’e, Jornalista Timor Post, koko atu entrevista motorista no sidadaun balun, maibé sira la kohi fó komentáriu ba ida ne’e.
Antes ne’e, Komandante Tránzitu Munisípiu Dili, Inspetor Polisia Domingos Sarmento Gama, husu ba sidadaun sira ne’ebé lori transporta Públiku sira iha Dili no tantu mai hosi Munisípiu atu labele viola lei kódigu estrada, tanba husi ne’e mak sei hamosu engarrafamentu no asidente.
Enkuantu nia dehan, ba sidadaun sira koko atu viola mak parte Polisia Tránzitu hetan, tenke prende evidénsia, para kumpre sira-nia dever selu multa ba iha konfre estadu, hafoin bele foti transporta sira.
Tanba ne’e, ikus nia apele sidadaun sira tantu hosi Munisípiu mai iha Dili, tenke kumpre lei kódigu estada nian, atu nune’e evita engarrafamentu no asidente.
2,042 total views, 3 views today
Bele hare Video Seluk :
Subscribe to Timorpost
