ADVERTISEMENT

Evita Komunidade Sunu fugetis, FM Husu PNTL Kontrola Iha Dili

Mario da Costa - Defesa no Seguransa
Jornalista : Beatriz Belo
Editor : Mário da Costa
  • Share
Abel Amaral

DILI (timorpost.com) – Organizasaun Naun Governamental (ONG), Fundasaun Mahein (FM), Husu Polisia Nasionál Timor-Leste (PNTL), atu halo patrullamentu iha area jurídiku Munisípiu Dili, atu evita Komunidade sira sunu fugetis, tanba daudaun ne’e tarutu iha fatin-fatin.

Diretór Interinu Fundasaun Mahein (FM), Abel Amaral, hato’o kestaun ne’e ba Media online Timor Post iha nia knaar fatin, Bairru Grilos, Sábadu (17/12).

ADVERTISEMENT
SCROLL FILA BA NOTISIA


“Tuir ami-nia observasaun katak, ita-nia komunidade sira kontinua sunu fugetis ne’e tarutu iha fatin-fatin, tanba ne’e ita husu autoridade seguransa sira, atu halo patrulla iha Dili ka iha bairru-bairru sira, atu avizu ba ita komunidade sira, atu la bele sunu fugetis arbiru,” nia dehan.

Lee Mós :
Inaugura Portu Tibar, PNTL Husu Karreta Kontentór Kumpre Despaxu Konjunta

Diretór Abel, hatete antes Governu ho Polisia Nasionál Timor-Leste (PNTL), aviza ona katak, atu públiku sira la bele sunu fugetis la’ós iha tempu Natal ho tinan foun, maibé públiku sira kontinua sunu fugetis tarutu iha fatin-fatin.

“Tanba ne’e, ami Fundasaun Mahein ninian hanoin alerta ne’e mai husi instituisaun seguransa mak fó sai ona, katak, atu la bele sunu fugetis arbiru iha Dili, tanba seidauk Natal ho tinan foun, banhira atu sunu fugetis ne’e iha tempu Natal ho tinan foun,” nia hateten.

Lee Mós :
Komandu Dili Sei Aprezenta Planu Harii Edifísiu ba KomJer

Nia afirma, públiku ka komunidade sira sunu fugetis ne’e, bele fó impaktu ba komunidade sira ne’ebé moras no tempu deskansa no seluk-seluk tan, tanba iha sosiál no komunidade sempre iha ema moras no iha labarik bebé foun moris.

“Ami-nia haree mós, kalan-kalan no loron ne’e públiku ka labarik no joven sira iha kapital Dili, sempre sunu fugetis ne’e tarutu hela de’it, ita komunidade balun hakarak deskansa la di’ak, tanba fugetis tarutu iha sorin-sorin,” nia lamenta.

Tanba ne’e, Fundasaun Mahein husu ba autoridade seguransa sira, atu kontrolu másimu ba ida ne’e no kontinua aviza ba komunidade, atu labele sunu fugetis arbiru, nune’e mós komunidade sira atu kumpre regras ne’ebé iha.

Lee Mós :
MS, UNICEF-DFAT Halo Kooperasaun Haforsa Imunizasaun Covid-19 no Rotina

“Ita husu ba públiku atu kumpre regras ne’ebé iha, tanba Polisia fó aviza ona no Governu fó avizu ona katak la bele sunu fugetis arbiru molok tama ba Natal ho tinan foun,” nia hakotu.

 1,305 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Evita Komunidade Sunu fugetis, FM Husu PNTL Kon…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No