ADVERTISEMENT

Fundasaun Mahein Apoiu PNTL Halo Alterasaun ba Kurríkulu Akademia

Mario da Costa - PNTL
Reportajen : Beatriz Belo
Editor : Mário da Costa
  • Share
Diretór Interinu Fundasaun Mahein, Abel Amaral, Imajen TP/Beatriz Belo

DILI (timorpost.com) – Organizaun Naun Governamental (ONG) Fundasaun Mahein, apoiu Polisia Nasionál Timor-Leste (PNTL), halo alterasaun ba Kurríkulu Sentru Formasaun Akademia Polísia.

Diretór Interinu Fundasaun Mahein (FM), Abel Amaral, hatete Ligadu ho alterasaun revizaun Kurríkulu Formasaun iha Akademia PNTL, Fundasaun Mahein kongratula ba sira hahú husi Komandu Jerál mai to’o iha nia Estrutura sira, tanba iha ona hanoin atu halo revizaun.

ADVERTISEMENT
SCROLL FILA BA NOTISIA

“Ami hanoin asaun ne’ebé Komandu Jerál ho nia Estrutura halo ne’e kapas, tanba ita to’o ona tempu halo revizaun, husi Tinan 2000 ita uza Kurríkulu ONU nian, Tinan 2004 ita uza Kurríkulu husi Australia nian no iha tinan 2011 to’o agora ita uza Kurríkulu GNR Portugal nian, entaun Timor ne’e iha Estadu de Direitu ida, ita tenke iha Kurríkulu rasik,” dehan Abel iha nia knaar fatin, Bairru Grilos, Tersa (29/11).

Lee Mós:
AJAR Deskonfia Polísia Envolve Iha Kazu Tara An iha Sela Kaikoli

Nia dehan, halo revizaun Kurríkulu ne’e oinsá mak Forma PNTL ida ne’ebé tuir sira-nia lei orgánika PNTL nian tuir filozofia Polisiamentu Komunitariu, tanba ida ne’e mak ema hotu-hotu nia hakarak.

“Ita hotu hatene formasaun ne’ebé mistura no Kurríkulu mistura, entaun forma pesoas PNTL sira iha problema, tanba iha Kurríkulu balun fokus de’it ba fíziku, entaun bele mós hakat ona asaun ne’ebé loloos ne’e ba iha asaun Polisiamentu komunitaria nian,” nia dehan.

Lee Mós:
Governu Aprova Estatutu Pesoal no Lei Órganika PNTL

Nia hatete, dala ida tan Fundasaun Mahein fó parabéns ba Komandu Jerál ho nia Estrutura tomak ne’ebé foin lalais hala’o semináriu ida foin lalais ne’e hanesan matadalan no inisiu ne’ebé di’ak, atu oinsá forma PNTL tuir nia karakteristika rasik no tuir reflete situasaun Timor-Leste no tuir povu nia hakarak.

Antes ne’e, Komadante Jerál Polisia Nasionál Timor-Leste (PNTL), Komisáriu Faustino da Costa, hatete PNTL idade halo tinan 22 ona, tanba ne’e Kurríkulu ne’ebé iha presiza halo ajusta, tanba orgánika de’it PNTL muda dala tolu ona, entaun presiza altera mós Kurríkulu sentru formasaun iha Akademia.

Lee Mós:
Fundasaun Mahein Kritika Governu La Rekruta Membru PNTL

“Ohin ita halo semináriu nasionál ne’e, oinsá atu altera Kurríkulu Sentru Formasaun iha Akademia, ida ne’e mak ohin ita halo no konvida Komandante sira hotu, atu fó ideia no hanoin ruma,” nia hateten hafoin semináriu nasionál iha Sentru Formasaun Polisia Akademia, Komoro, Sesta (25/11).

Nia dehan, Komandu Jerál nia intesaun mak ida ne’e, orienta ona parte sentru formasaun oinsá atu halo alteraun ba Kurríkulu Sentru Formasaun iha Akademia.

 864 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Fundasaun Mahein Apoiu PNTL Halo Alterasaun ba …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: