ADVERTISEMENT

Governu ho Komandu PNTL Inaugura Uma Sentru Operasaun

Mario da Costa - Defesa no Seguransa
Jornalista : Beatriz Belo
Editor : Mario da Costa
  • Share
Governu, PNTL ho Kompania Rudal inaugura Uma Sentru Operasaun, Imajen TP/Beatriz Belo

DILI (timorpost.com) – Governu liuhusi Vise Ministru Interior (V-MI) Antonio Armindo ho Komandu Polisia Nasionál Timor-Leste (PNTL) Munisípiu, halo inaugurasaun ba uma sentru operasaun no uma ba forsa rezerva, postu ba Komandu Dili no inklui portaun entrada.

Vise Ministru Interior, Antonio Armindo, iha nia entrevista hatete, kondisaun iha komandu PNTL Munisípiu Dili, ne’e Governu halo no hetan apoiu husi kompañia privadu.

ADVERTISEMENT
SCROLL FILA BA NOTISIA


“Ita husu ba Komandu atu uza kuidadu no mós oinsá halo limpeza,” nia hateten hafoin inaugurasaun iha Komandu Munisípiu Dili, Kinta (24/11).

Lee Mós :
Presiza Tinta Foun Zebra Cross Iha Estrada

Nia dehan, fatin ne’ebé sira uza halo servisu, ne’e hanesan hotu-hotu nia uma, tanba fulan hetan saláriu iha ne’e, tanba ne’e tenke kuidadu.

Iha fatin hanesan, Komandante PNTL Munisípiu Dili, Superintendente Xefe Henrique da Costa, hatete ohin halo inaugurasaun ba uma ne’ebé hetan reabilitasaun iha fulan kotuk, husi Emprezáriu Timoroan Mauhoka, liuhusi vise Ministru Interior, Antonio Armindo no Komandu Jerál PNTL.

“Komandu Munisípiu Dili, ita apresia ba tulun husi ita-nia parseiru ne’ebé iha posibilidade hakarak tulun no apoiu hodi halo reabilitasaun ba uma sentru operasaun, uma ba forsa rezerva no mós postu ba Komandu Munisípiu Dili, ,” dehan Henrique.

Lee Mós :
Kazu Konfronta Surikmas, PNTL Haruka Prosesu Ba Ministériu Públiku

Tanba ne’e, Komandante ne’e fó mensajen ba membru sira hotu, katak buat ne’ebé parseiru sira halo no prepara ona, oinsá mak tenke asegura no tenke kuidadu hodi hala’o servisu.

“Ohin ita inaugura sentru operasaun Munisípiu nian no uma ba Forsa Rezerva nian no Postu Komandu PNTL nian no portaun entrada, Kompañia Rudal mak halo reabilitasaun, tanba ne’e ita agradese,” nia afirma.

Lee Mós :
Matan Ruak Defende Plataforma Harii Governu Dasia

Enkuantu iha inaugurasaun ne’e, partisipa husi Vise Ministru Interior, Antonio Armindo, Komandante PNTL Munisípiu Dili, Superintendente Xefe Henrique da Costa, Komandante Operasaun, Pedro Belo no Komandante Eskuadra sira no mós kompañia Rudal.

 1,190 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu ho Komandu PNTL Inaugura Uma Sentru Ope…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No