DILI (timorpost.com) – Komandante Jerál Polísia Nasionál Timor-Leste, Faustino da Costa, hatete nia parte orienta ona intelijénsia sira hodi buka tuir ema deskoñesidu ne’ebé lori kilat tiru komunidade nian iha Suku Bariki, Munisípiu Manatutu.
“Ha’u orienta ona ha’u nia ekipa intelijénsia sira ne’ebé instala hodi halo investigasaun ba kazu ida ne’e, ha’u fiar katak ita sei hetan rezultadu di’ak ruma husi ida ne’e,” nia hateten iha Sentru Formasaun Polísia Komoro, Segunda (26/09).
Nia mós husu ba komunidade ka na’in ba karu ne’e karik hatene ema se mak tiru ka ho karreta saida no nia númeru matríkula, informa ba sira no sira hodi bele hafali buka ema sira ne’e.
Maibé, nia dehan agora haruka ona ekipa ida dezloka ba iha ne’ebá hodi buka tuir hodi hatene se mak lori armas ba tiru komunidade sira-nia karau iha ne’ebá.
“Maibé, agora ha’u seidauk bele informa armas hodi tiru ne’e Polísia nian ka la’ós Polísia nian, tanba seidauk identifika loos, maibé ekipa sira ba halo identifika no sei aprezenta relatóriu ba ha’u foin hatene hodi fó sai ba públiku,” hateten nia.
Faustino reforsa, tanba ne’e agora hein ekipa kontinua servisu iha terrenu hodi halo identifikasaun ba insidente refere, kuandu relatóriu tama nia parte sei aprezenta hodi fó sai ba públiku.
Fó hatene fali katak, insidente ne’ebé akontese hodi ema deskoñesidu lori armas estadu nia “kilat” lori tiru komunidade iha Suku Bariki, Munisípiu Manatutu nia karau ne’e, akontese iha semana kotuk liubá ne’e.
1,602 total views, 9 views today
Bele hare Video Seluk :
Subscribe to Timorpost
