ADVERTISEMENT

PNTL Halo Aprensaun ba Karreta Tolu, Tanba La Selu Impostu Ba Governu

Mario da Costa - Defesa no Seguransa
Jornalista : Beatriz Belo
Editor : Mário da Costa
  • Share
Portavós Komandu Jerál, Armando Monteiro, imajen TP/Beatriz Belo.

DILI (timorpost.com) – Polisia Nasionál Timor-Leste (PNTL) liuhusi Polisia Nasionál Servisu Investigasaun Kriminál (PNSIK) iha loron Kinta-Feira (22/09), mais ou menus orast tuku 10:00 dadeer halo aprensaun ba karreta tolu iha area Tasi, tanba deskonfia la selu impostu ba Estadu.

Portavoz PNTL, Superintendente Xefe Armando Monteiro, informa horisehik iha loron 22 fulan Setembru tinan 2022, mais ou menus iha oras tuku 10:00, servisu informasaun Polisia akompaña momentu ida husi mota-ain mai iha Kapitál Dili, deskonfia kamioneta tolu ho xapa matrikula DA 8514 no segundu 8436 no 38132 la selu impostu ba iha Governu.

ADVERTISEMENT
SCROLL FILA BA NOTISIA


“Kamioneta tolu ne’e, mai husi Fronteira monta-ain atu mai iha kapitaol Dili, tula sasán merkadoria, maibé parte PNSIK deskonfia hases an selu impostu ba autoridade Fronteira, Entaun ita autoridade seguransa akompaña hafoin to’o mai iha Kapitál Dili, hodi nune’e ita halo aprensaun,” nia hateten liuhusi Konferénsia Imprensa iha Komandu Jerál, Sesta (23/09).

Nai dehan, hafoin halo aprensaun horisehik kedas Polisial Nasionál Investigasaun Kriminál (PNSIK), halo reuniaun urjente ida ba autoridade servisu iha postu intregadu iha lina Fronteira nian.

Lee Mós :
Sosiedade Sivíl Konsidera Polítika Sosa Karreta ba Deputadu La Nesesáriu

“Nune’e, ohin dadersan ate agora daudaun neoe, ita-nia servisu investigasaun kriminál kontinua halo aprensaun no halo kontajen, husi kontajen ne’e ida ne’e 20% tuir fatór ne’ebé selu impostu ba ita,-nia autoridade iha Fronteita no 80% hase an selu impostu ba iha estadu,” nia hateten.

Tanba ne’e, ohin mós ita-nia servisu investigasaun kriminál kontinua prosesu kazu ida ne’e, tanba tuir ajenda aban sei aprezenta ba iha Ministériu Públiku (MP), nu’udar nain ba prosesual nian.

“Sasán sira ne’ebé ita prende ne’e maioria sasán bázika, sasán hirak ne’e horsida prosesu final tiha, hafoin ita sei aprezenta ba iha Ministériu Públiku, atu nune’e ami hein nia delegasaun kompeténsia, tanba keta halo sei iha prosesu kontinuasaun ou progresu ami sei aprezenta tan, tuir faktus ne’ebé ita hetán husi objetu ne’ebé ita halo aprensaun,” nia dehan.

Nia haforsa tan, horisehik sira halo reuniaun koordenasaun urjensia para oinsá atu bele sistema kontrolu hodi nune’e sasán hirak ne’ebé tama mai liuhusi prosesu legál ida hodi nune’e la bele prejudika hodi viola regra ne’ebé iha ona.

“20% ne’ebé tuir dalan legál ita sei entrega fila fali sasán ba nia, maibé 80% ita aprezenta ba iha Ministériu Públiku, tanba sasán nain ita konsidera hanesan dekaminu ida, tanba tenta hases an husi autoridade Fronteira hodi la selu impostu ba ita-nia Governu,” nia dehan.

Lee Mós :
Motorizada Soke Gaspar Soares Iha Nunura, Hakotu Iis Iha Hospitál Maliana

Nia dehan, sira parte nafatin halo koordenasaun no komunikasaun entre instituisaun iha lina Fronteira, tantu iha nível postu intregadu no tantu mós iha nível tátika iha area Fronteira mota masin no Batugade no mós iha area Oe-kusse nian.

“Tanba ita liuhusi koordenasaun no komunikasaun para oinsá atu kontrolu movimentu ema no sasán ne’ebé tama sai ita-nia lina Fronteira mai ita-nia nasaun Timor-Leste,” nia hakotu.

Iha fatin hanesan sasán nain husi kompañia Comiko, Yosep, hatete sasán sira ne’e lori mai husi Atambua liuhusi alfandega,no hatama iha sira-nia armazein (Gudang) iha mota-ain Nuu Badak, hodi hein nota mai husi loja sira iha Dili lara.

“Sasán sira ne’e ami hatama mai husi Indonézia Atambua, liuhusi batas Batugade hodi halo revista no ami selu hotu, depois maka ami lori tama mai hodi ba rai fali iha ami-nia armazein ou (Gudang) iha mota-ain Nuu Badak hodi hein Nota balun husi loja sira iha Dili laran, depois maka ami tula hodi distribui ba sira,” nia konta.

Lee Mós :
Apoitmentu Polítiku Rekomendadu “Invade” APS, Laiha Servisu

Nia hatutan, sasán sira ne’e mós mesak Sembako de’it, sasán sira ne’e balun hatama antes ona, rai de’it iha armazein to’o Loja sira iha Dili laran presiza maka sira foin disribui tuir nota sira ne’ebé fó husi loja sira.

“Ba sasán sira ne’ebé tula nia kuantidade la hanesan ho PEP nia sasán sira ne’e tama liu iha batas ami sobu tia depois selu hotu, atu lori ba fali ami-nia Armazein hodi hatun no sobu fali depois maka ami tula fali mai loja sira iha Dili laran, tuir kuantidade ne’ebé loja sira husu tau iha sira nia nota”, nia dehan.

Nia dehan, parte Polisia Nasionál Servisu Investigasaun Kriminal (PNSIK) prende karreta ho sasán sira iha Tasi-tolu ho oras tuku 9:00 dadeer hodi mai para iha Komandu Jerál PNTL Kaikoli Dili.

 1,764 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PNTL Halo Aprensaun ba Karreta Tolu, Tanba La S…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No