ADVERTISEMENT

Konfrontu Akadiru-hun, PSHT Promete Rekoopera Sasán Vítima

Mario da Costa - Defesa no Seguransa
Jornalista : Beatriz Belo
Editor : Mário da Costa
  • Share
Konferénsia Imprensa hosi Komandu PNTL, Líder Organizasaun PSHT no 77, Imajen TP/Beatriz Belo

DILI (timorpost.com) – Relasiona ho konfronu iha loron (05/09) iha area Bidau Akadirihun rezulta komunidade balun nia uma no sasán hetan estragu, tanba ne’e Líder Organizassem Arte Marsiais PSHT, promote sei hadi’a no apoiu fali sasán ba vítima sira.

Tuir Komandante Operasaun Nasionál Polisia Nasionál Timor-Leste (PNTL), Superintendente Xefi Pedro Belo, hatete ohin orientasaun husi Primeiru Ministru hanesan Ministriu Interior (MI) liuhusi Vise Primeiru Ministru Interior, hodi organiza reuniaun hamutuk ho Jenerál F-FDTL, Komandu Jerál, Sekretariu Estadu Juventude no Desportu (SEJD), ho Prezidente Komite Regulador Arte Marsiais (KRAM) no arte marsiais no arte rituais sira, oinsá atu servisu hamutuk hodi garante situasaun hakmatek iha Rai ida ne’e.

ADVERTISEMENT
SCROLL FILA BA NOTISIA


Lee Mós :
Inséndiu Iha Bekora, Vítima Sira Obrigadu Hela ho Viziñu

“Ita-nia arte marsiais no arte rituais sira promete atu hadi’a vítima sira-sira uma no sasán sira ne’ebé hetan estragu,” nia hateten iha Kuartel Jerál PNTL Kaikoli, Kuarta (07/09).

Iha fatin hanesan, Sekretáriu Jerál PSHT, Pedro Aparicio, hatete konfrontu ne’ebé akontese iha loron (05/09), envolve membru PSHT hodi halo asaltu estraga komunidade sira-nia uma no sasán balun, PSHT sei selu fali sasán no hadi’a sasán ne’ebé hetan estragu ona.

Lee Mós :
Selebra Loron Natal, PNTL Asegura Misa Iha Igreja Bekora

“Ami promete sei rekompensa no hadi’a fali komunidade sira-nia sasán ne’ebé hetan estragu ona”, nia promete.

Nia informa, konfrontu ne’e akontese, bainhira membru PSHT sira akompaña kolega matebian José Bernardo de Jesus Soares nia isin mate ba semitériu públiku Bekuse fila mai iha dalan Akadiru-Hun mak akontese konfruntu ne’e.

Tanba ne’e, nia dehan problema akontese liu ona husu ba membru PSHT sira tenke disiplina hatudu respeita ba F-FDTL ho PNTL, labele repete tan kazu hanesan ne’e.

Lee Mós :
KRAM laiha Koñesimentu Di'ak ba Graduasaun PSHT

“Ami husu deskulpa ba Komandu F-FDTL ho komunidade sira ne’ebé vítima ba hahalok ne’ebé membru sira halo, maibé ami promete sei la akontes tan problema hanesan ne’e” nia afirma.

Ikus nia dehan, kazu krime ne’ebé akontese membru PSHT sira baku membru F-FDTL, ida ne’e pesoal ida-idak, tanba ne’e tenke responsavel ba hatán iha justisa, maibé sasán komunidade ne’ebé hetan estragu PSHT promete sei apoiu.

 1,924 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Konfrontu Akadiru-hun, PSHT Promete Rekoopera S…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No