ADVERTISEMENT

AHDMTL Husu Investiga Kle’an Kazu Matebian José ho Gaudêncio

Mario da Costa - PNTL
Reportajen : Estaziada Ermelinda Caet
Editor : Asisten Hermenegildo da Costa Tilman
  • Share
AHDMTL Hala’o konferénsia imprensa kona-ba konflitu to’o rezulta joven na’in rua lakon vida, Imajen TP/Ermelinda Caet

Dili (timorpost.com) – Asosiasaun Halibur Defisiénsia Matan Timor-Leste (AHDMTL), alerta ba Parte investigadór sira atu halo investigasaun kle’an ba kazu detidu Matebian José Bernardo ho Gaudêncio Filipe da Cruz.

”Ami husu ba parte kompetente sira halo investigasaun atu bele klareza, kazu nia kauza, tanba kazu matebian sira nian, konflitu mosu nafatin iha públiku,” hateten ofisial Advokasia, Carceres Nunes Arca Tura, iha edifísiu AHDMTL, Manleuna, Kuarta (07/09).

ADVERTISEMENT
SCROLL FILA BA NOTISIA

Nia dehan, hanesan organizasaun sosiedade sivíl (OSC), ne’ebé luta ba Direitu Umanu no haree ba problema sosiál sira iha Timor-Leste, tuir kontestu advokasia sosiedade sivíl no objetivu AHDMTL nian halo notifikasaun.

Lee Mós:
Governu Indonézia Loke Kursu ba AHDMTL

“Ami haree katak Kazu Matebian José Bernardo, ne’ebé hakotu iis ida iha sela detensaun Polisia Kaikoli Dili, iha loron 01 Fulan Setembru tinan 2022, oras tuku hitu ho balun kalan, (Deskonfia hatalik aan),”

Maibé, kazu tuir fali Matebian Gaudêncio Filipe da Krús, nia mate deskonfia problema ho José Bernardo, nune’e halo públiku lamenta tebes ba sira-nia mate ho Kazu ne’ebé diferente no krusiál.

Tanba ne’e nia dehan, konferénsia imprensa ne’e objetivu atu hatene ba kazu refere, tanba dala-ruma halo Konferénsia Imprensa ne’e bele rezolve públiku nia duvida, tanba problema rua ne’e fó fali konfuzaun ba Povu, nune’e Kazu matebian na’in-rua ne’ebé mate ida iha sela laran, kaikoli Dili no ida mate iha Hospital Nasionál Guido Valadares (HNGV).

Lee Mós:
AHDMTL Planu Hari Sentru Formasaun Iha Munisípiu Manufahi

“Kazu refere diferente, maski matebian hakoi ona, maibé ita hakarak tenta nafatin atu hasai issue sira, tanba ita hatene katak problema ne’e hanesan krime organizadu”, nia hateten.

Tanba ne’e husu ba Investigadór relevante sira no komisaun reguladór arte marsiál, bele investiga sira ho didi’ak, tanba kazu ne’ebé konflitu iha rai ida ne’e, konsidera nu’udar kazu boot, tanba kazu ida ne’e halo públika pániku tebes.

Lee Mós:
UPF Kaptura Sidadaun Na'in-4 Importa Kombustivél Ilegál

Nia dehan, problema ne’e nia implikasaun negativa mak konflitu iha fatin-fatin hanesan Kazu iha Akadiru-Hun, F-FDTL ida mak sai vítima.

Situasaun ne’e halo sosiedade tomak duvida, tanba ne’e fó hanoin ba parte relevante no investigadór sira ne’ebé independente atu servisu sériu tuir orden no Lei hodi reflete tuir prinsípiu direitu umanu, oinsá respeitu no rekoñese, hodi proteje ema no promove, nune’e povu bele moris ho valor Justisa no liberdade demokrasia.

 865 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “AHDMTL Husu Investiga Kle’an Kazu Matebian José…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: