ADVERTISEMENT

Juventude-Família Dúvida ho José Bernardo Nia Mate iha Sela

Mario da Costa - Defesa no Seguransa
Jornalista : Mariano Abi
Editor : Mário da Costa
  • Share
Konferénsia Imprensa hosi Juventude ho Família Matebian iha Audian, Sábadu (03/09), Imajen TP/Mariano Abi

DILI (Timor Post) — Juventude ho família, Sábadu (03/09), realiza Konferénsia Imprensa hodi hato’o sira-nia pozisaun dúvida ba kazu José Bernardo nia mate iha Sela Polísia Kaikoli.

“Ami husu ba Komandu Polísia Distrital Dili, atu fó serteza loloos ba ami Juventude Audian no família, katak loos duni ka lae, ami-nia alin ne’e mate tara an? Se ami-nia alin ne’e mate ho tara an, ami família no Juventude Audian ezije atu loke kamera CCTV atu hatudu faktus ne’e klaru ba ami,” Portavoz família matebian, Ano Carvalho, dehan liuhusi Konferénsia Imprensa iha Audian, Sábadu (03/09).

ADVERTISEMENT
SCROLL FILA BA NOTISIA


Ano Carvalho, afirma kronolojia JB ninia mate ne’e, iha loron 01 Setembru 2022 membru Polísia Nasionál Timor-Leste (PNTL) na’in-4 mai halo kapturasaun ba matebian José Bernardo, mais ou menus ho Tuku 12:00 meudia.

Ano subliña, husi membru PNTL hirak ne’e rasik sei hato’o ba família matebian katak, imi tau konfiansa ba Polísia, imi nia oan ne’e, ba iha kantor Polísia.

Lee Mós :
Ekipa Intelijénsia Kontinua Buka Ema Deskoñesidu Tiru Karau Iha Manatutu

“Ami prontu garante imi-nia alin nia vida no nia sei seguru iha sela kantor Polísia hodi tuir prosesu normál”, nia hateten.

Hafoin membru PNTL hirak ne’e lori ba halo prosesu investigasaun, hodi detein iha sela Polísia Kaikoli, iha meudia tuku 02:00, alin matebian hetan vizita husi nia Inan ne’ebé lori almosu ba fó matebian iha sela Kaikoli.

Iha oras tuku 19:20 kalan, alin matebian nia familia ba vizita derepente de’it, haree karreta ambulansia para ona iha estasionamentu edifísiu Eskuadra Polísia nia oin.

“Perguntas mak ne’e, bainhira ema ida mate la bolu uluk família hodi informa, maibé bolu uluk ambulánsia mak mai, tanba saida?,” Família matebian kestiona.

Ano relata, família matebian ho Juventude Audian sente laran taridu no triste tebes, bainhira sira rona katak, sira nia alin mate ona iha Sela laran, deskonfia ho tara an, ne’e sira Juventude Audian konsidera la razoavel ka laloos.

Lee Mós :
MS-WHO Realiza Workshop Kona-ba Papél Promotór Saúde ba Família

“Imposivel ami-nia alin bele tara an, serake Polísia sira ne’ebé halo kontrolu ba Sela detensaun no pikete iha loron ne’ebá, ba tiha iha ne’ebe? mak ami-nia alin bele tara an to’o mate. Ami Juventude Audian ho família haree katak, laiha lojíka, tanba ne’e ami Juventude Audian sente lamentavel tebes ba ami-nia alin nia mate,” Ano hatete ho laran Triste.

Nune’e, sira konsidera la razoavel, ho ida ne’e família no Juventude Audian insiste no afirma investiga ba membru PNTL hirak ne’ebé pikete iha loron ne’ebá husi Komandante to’o nia membru sira.

“Karik tuir duni Polísia sira dehan kamera CCTV avaria no taka malu ba kazu ida ne’e, ami Juventude Audian deskonfia bo’ot ba polisia sira, karik sira mak baku mate ami-nia alin?”, Família matebian sei kestiona nafatin.

Lee Mós :
Durante Janeiru to’o Juñu VPU Rejista Kazu Violénsia Doméstika 148

Família mós husu ba Parlamentu Nasionál (PN) no Governu atu hatuur loloos regulamentu ou Lei, hodi regula membru PNTL ka sé de’it, bainhira kaptura Juventude ou suspeitu ruma ba iha sela, husu atu labele halo torturasaun ka baku iha sela detensaun, atu nune evita kazu hanesan ne’e mosu fila fali.

“Ami Juventude Audian ho Família husu Justisa ne’ebé transparente no loloos ba ami-nia alin nia mate. Ami husu ba Autoridade Seguransa favor ida sai hanesan lutu ba povu, la’ós sai fali hanesan kro’at ba povu,” Ano afirma.

 3,105 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Juventude-Família Dúvida ho José Bernardo Nia M…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No