DILI (Timor Post) – Ekipa konjuntu Polisia Servisu Investigasaun Kriminál (PSIK) ofisialmente entrega ona matebian José Bernardo de Jesus Soares, ba família iba Hospital Nasionál Guido Valadares (HNGV), hodi nune’e halo funebre.
Tuir observasaun media Timor Post iha Terrenu iha oras tuku 05:30 parte PSIK entrega Mate-Isin ba família hodi nune’e sira bele halo serimónia funebre.
Nune’e, parte família simu ho triste no tanis, tanba lakon ona sira-nia oan, alin, kolega no maun.
Iha oras 05:40 família sira hotu akompaña lori matebian José Bernardo de Jesus Soares, ba iha nia rezidénsia Audian.
Enkuantu parte Polisia Servisu Investigasun Kriminál (PSIK), seidauk bele fó sai nia rezultadu autópsia, tanba segredu Justisa.
Tuir informasaun ne’ebé Timor Post asesu iha Hospital Nasionál Guido Valadares (HNGV), katak mais ou menus iha oras 01:00 hanesan ne’e halo autópsia ba matebian José Bernardo de Jesus Soares, nune’e iha oras tuku 3:30 sira remata autópsia.
Portantu Matebian José Bernardo, hakotu nia vida ho tali rohan iha sela detensaun Polisia Kaikoli.
2,496 total views, 3 views today
Bele hare Video Seluk :