ADVERTISEMENT

PNTL-ICRC Asina Akordu Estensaun Servisu

Mario da Costa - Defesa no Seguransa
Jornalista : Beatriz Belo
Editor : Mario da Costa
  • Share
Komandu Jerál PNTL, Komisáriu Faustino da Costa ho Xefe ba International Committee of the Red Cross (ICRC), Alexandre Faite, asina akordu estensaun servisu, iha Kaikoli, Kuarta (24/08), Imajen TP/Beatriz Belo

DILI (Timor Post) – Polisia Nasionál Timor-Leste (PNTL) ho International Committee of the Red Cross (ICRC) liuhusi Krús Vermella Timor-Leste, asina akordu estensaun kona-ba Dezeminasaun Regra ho Estandarte Polisiamentu Internasionál no Prinsípiu Umanitáriu sira.

Komandante Jerál PNTL, Komisáriu Faustino da Costa, hatete asina memorandu ne’e, atu atualiza akordu saida mak halo ona iha pasadu, nune’e iha nafatin atividade balun para implementa.

ADVERTISEMENT
SCROLL FILA BA NOTISIA


“Atividade enkontru ida ohin ita halo ne’e, atu renova no mós estende akordu ne’ebé halo ona entre ICRC, para ba ohin ne’e, ita hotu hatene, krús vermella sei nafatin halo nia kompromisu ida, mak bele nesesita ka apoiu ka transfere koñesimentu balun ba membru Polisia Nasionál Timor-Leste nian,” nia hateten hafoin remata asina akordu ho ICRC iha edifísiu Komandu Jerál, Kaikoli, Kuarta (24/08).

Nia dehan, atividade ne’e, liuliu kona-ba primeiru sokorru, ne’e importante boot ida ke iha baze tebe-tebes, hanesan iha intervensaun dehan PNTL nia membru ne’e iha baze, hahú husi aldeia no to’o iha nasionál.

Lee Mós :
PSIK Detein Sidadaun Ida Hatama Osan Falsu

“Nune’e, ita PNTL mak sempre atende kona-ba kazu sira asidente nian, tanba sira iha baze ofisial Suku sira, ita mós iha bainhira dezastre sira mosu, oinsá mak membru sira bele iha koñesimentu iha primeiru sokorru, ne’e treinamentu ida ne’ebé ke importante ba ita-nia membru PNTL sira,” nia dehan.

Nia haktuir, bainhira iha dezastre ka asidente oinsá atu atende ka asegura no oinsá mak iha mekanizmu ka maneira hodi bele evakua ema sira iha dezastre ka insidente.

“Iha Pontu segundu mak atu estandariza membru PNTL nia mekanizmu de operasaun, liuliu ba oin ita hotu hatene katak krús vermella sempre ho ninia mehi ida katak, hakarak instituisaun Estadu liuliu hanesan instituisaun polisia nian estandarizasaun mais ou menus atedimentu,” nia dehan.

Lee Mós :
Investigadór PNTL Na'in-26 Partisipa Formasaun Tráfiku Umanu

Nune’e mós, ba futuru PNTL sai instituisaun ida ne’ebé iha mekanizmu atendimentu ne’e kategoria ba iha estadar internasionál ka ONU nian.

“Ha’u hakarak agradese ba kometimentu husi parte krús vermella Timor-Leste fó ba PNTL, aproveita agradese ba ekipa tékniku tantu PNTL nian no ICRC nian rasik, ne’ebé kuaze lori fulan barak halo diskusaun oinsá mak ohin ita bele ofisializa akordu ne’ebé iha,” nia agradese.

Ikus nia dehan, parte ida nia hanoin iha atividade rua no aleinde kapasitasaun no ida mós sira apoiu ba iha area espesializada ruma, liuliu kona-ba hamosu regra ruma ka prosedimentu ruma no iha atedimentu komún polisia nian.

Iha fatin hanesan Komité Internasionál Krús Vermella, Xefe Alexandre  Faite,  hatete hanesan ema hotu hatene katak, kooperasaun entre krús vermella internasionál ka ICRC ho tempu ne’ebé barak.

“Ami presiza ho situasaun ne’ebé agora iha ne’e, katak ita bele realiza hodi asinatura kooperasaun entre PNTL ho Krús Vermella internasionál,” nia dehan.

Lee Mós :
Opsaun Rua Todan ba Membru PNTL ho F-FDTL

Nia dehan, iha oportunidade diskusaun ho Komandante Jerál, Faustino da Costa, katak iha atividade balun ne’ebé ohin sira-nia parte tama ona ba iha diskusaun konkretu ne’ebé bele hala’o servisu hamutuk ho PNTL ba iha ICRC.

“Atividade primeiru ne’ebé sei realiza iha semana tolu mai nia laran no atividade seluk mak ami halo diskusaun ho Komandante Jerál, Faustino da Costa, katak, iha atividade ne’ebé ami sei entrega liuliu ba iha tópiku importante balun,” nia hateten.

Ikus nia dehan, atividade liuliu mós haree ba iha parte Fronteira nian no mós ba iha primeiru sokorru no haree mós ba iha responsabilidade dahuluk sira ba iha tempu emerjénsia ka dezastre sira.

 1,907 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PNTL-ICRC Asina Akordu Estensaun Servisu” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No