DILI (Timor Post) – Polísia Nasionál Timor-Leste (PNTL), Nia Unidade Tránzitu Munisípiu Díli, halo Seguransa iha estrada públiku hodi asegura misa Agradesimentu ba Aniversáriu Forsa Armada Libertasaun Nasionál (FALINTIL) ba dala-47, iha igreja Motaél.
Tuir observasauna Timor Post Online, iha terrenu haree membru Polisia Unidade Tránzitu, iha tuku 8:00 dadeer, hamrik ona iha estrada hodi manda karreta ho motor.
Pontu importante ne’ebé sira blokeia mak hosi diresaun Portu Díli ba Igreja Moatél no hosi diresaun Embaixada Tailándia Mai igreja Motaél.
Portantu atividade Tránzitu nian ne’e atu garante labele akontese engarafamentu hodi perturba misa refere.
Serimónia misa agradesimentu ne’e partisipa hosi bainaka internasionál, Xefe Estadu Maiór Jenerál Forsa Armada Portugál, Almirante António Manuel Fernandes da Silva Ribeiro, Panglima Tentara Nasionál Indonézia (TNI), Jenerál Andika Perkasa, no Xefe Estadu Maiór Jenerál Forsa Armada Hosi Commonwealth Australia, Agus Campbell.
Relasiona ho selebrasaun aniversáriu ne’e, tuir ajenda, hafoin misa sei kontinua ba tau ai-funan iha semitériu Santa krus ho Seroja, depois serimónia lorokraik iha mós kondekorasaun ba Jenerál na’in-3 no eis Jenerál na’in-1, hosi Xefe Estadu.
Hanesan ema hotu hatene, Misaun Forsa Armada Libertasaun Nasionál Timor-Leste (FALINTIL), dezde tinan 1975 mai to’o transforma ba iha FALINTIL-Forsa Defeza Timor Leste (F-FDTL), mak hanesan lutu ba nasaun.
Portantu tuir Konstituisaun no Lei Defeza no Militár kona-ba misaun F-FDTL
Konstituisaun RDTL artigu 146o define ona misaun F-FDTL, alínea 2 hatete F-FDTL garante independénsia Nasionál, integridade territorial, liberdade no populasaun nia seguransa hasoru agresaun ruma ka ameasa esterna, ho respeitu ba orden Konstitusionál.
Tuir Estatutu Orgánika F-FDTL, dekretu Lei Nú 15/2006 loron 8 Novembru, misaun espesífiku husi F-FDTL nia maka;
• garantia vijilánsia ba fronteira (Terestre, Maritima no Aero)
• halo salvasaun ba tasi laran nia
• fó apoiu ba autoridade sivíl iha ámbitu ba satisfasaun nesesidade bázika no mós atu hadi’a kualidade moris populasaun nian
• fó apoiu ba orden Konstitusionál, iha ámbitu ba partisipasaun iha situasaun deklarasaun estadu de sítiu ka estadu de emerjénsia nia
• fó apoiu ba populasaun sira iha kazu katástrofe natural ka kalamidade públika
• fó apoiu ba polítika esterna, liu husi asaun kooperasaun tékniku – militár, partisipasaun iha operasaun apoiu ba Paz, operasaun umanitáriu no asaun sira seluk sei determinadu iha ámbitu akordu internasionál sira nia.
Lei Nú. 2 /2010 loron 21 Abríl – Lei Seguransa Nasionál, artigu 8- husi misaun ba FALINTIL-FDTL nia maka:
• responsavel ba defeza militár RDTL, halo tuir Konstituisaun, lei no akordu sira kona-bá direitu internasionál maka hala’o iha Timor-Leste
• Hala’o kna’ar iha misaun seluk fó tulun ba autoridade sivíl, iha kuadru Sistema Integradu Seguransa Nasionál, fó tulun ba polítika esterna Estadu nian, iha operasaun atu fó tulun ba pás no umanitária.
1,889 total views, 6 views today
Bele hare Video Seluk :