DILI (Timor Post) – Prezidente Repúblika Sesta (12/08) Vizita Komandu Jerál, nia husu ba Governu atu tau matan instituisaun Polisia Nasionál Timor Leste (PNTL) ho FALINTIL-Forsa Defeza Timor Leste (F-FDTL).
“Ha’u sei haree iha Orsamentu Jerál Estadu nian, se Governu hakarak tau matan ba iha instituisaun rua ne’e, ha’u haree se bele Orsamentu Espesiál ba sira, para sira bele halo mós atividade sosiais, sívika desportivas,” nia hateten liuhosi Konferénsia Imprensa iha Komandu Jerál PNTL Kaikoli.
Nia hatutan, husi osan sira ne’e atu bele ajuda komunidade sira, ka halibur joven sira oinsá kuda ai-oan no seluk tan.
“Tanba, ita Timor-Leste iha tempu paz la iha instituisaun rua ne’e hamosu konflitu armanda ruma iha ne’ebé de’it,” nia dehan.
Entaun, instituisaun rua ne’e, sira iha posilibilidade atu ajuda komunidade sira, sira hanesan ekipa ejenaria no ekipa sira seluk, atu ajuda família ruma iha Suku, Aldeia no iha ne’ebé de’it.
“Parabens ba sira hotu, iha instituisaun PNTL ho F-FDTL, nune’e mós iha kapasidade PNTL nian aumenta di’ak los no foin daudaun ha’u vizita F-FDTL, sira iha ejenaria iha Médiku no seluk tan,” nia hakotu.
Iha fatin hanesan, Komadante PNTL, Komisáriu Faustino da Costa, hatete ohin vizita Prezidente Repúblika, Jose Manuel Ramos Horta, iha nia potu de vista, husu instituisaun F-FDTL ho PNTL atu kontinua servisu hamutuk.
“Kuandu ita iha servisu ne’ebé de’it mak presiza parte rua atu servi hamutuk iha buat balu, kontinua atu servisu hamutuk,” nia dehan.
Alende ne’e nia mós dehan, ohin iha Xefe Estadu Maiór Jenerál F-FDTL, Tenente Jenerál Falur Rate Laek, mós ohin nia pontu de vista, katak prontu apoiu instituisaun PNTL iha servisu saida de’it.
1,170 total views, 3 views today
Bele hare Video Seluk :
Subscribe to Timorpost
