DILI (Timor Post) – Polisia Nasionál Timor-Leste (PNTL), apresia Polítika Oitavu Governu Konstitusionál liuliu Ministru Interior (MI) ho nia Vise halo ona esforsu tomak no konsege Konsellu Ministru (KM), aprova Estatutu Pesoal ho lei organika PNTL nian.
Komandante Jerál PNTL, Komisáriu Polisia Faustino da Costa, hatete polítika Oitavu Governu aprova ona Estatutu Pesoal PNTL ho lei organika PNTL foun, tanba membru PNTL barak mak tama ona iha idade reforma, maibé kontinua servisu.
“Ha’u hato’o ha’u-nia apresisaun ba Governu, ita hein lai Prezidente Repúblika, atu halo promulgasaun, ha’u seidauk bele ko’alia buat ruma, bainhira promulga no públika ona iha Jornál da Repúblika ita foin haree,” nia hateten hafoin remata inaugurasaun edifísiu rua iha Kuartél Jerál PNTL, Kaikoli, Kinta (11/08).
Nia hatutan, membru PNTL daudaun barak mak tama ona ba iha idade avansadu atu reforma sira fila ba vida Sívil, tanba ne’e hein Prezidente Repúblika promulga no públika ona iha Jornál da Repúblika, ba oin bele haree ona kritéria atu halo reforma.
“Ami iha membru lubuk ida mak daudaun ne’e tama ona ba idade reforma, maibé ha’u seidauk ko’alia buat ida, tanba sei hein promulgasaun estatutu pesoal PNTL husi ita-nia Prezidente Repúblika, hafoin ita bele ko’alia,” nia hakotu.
2,957 total views, 3 views today
Bele hare Video Seluk :
Subscribe to Timorpost
