DILI (Timor Post)- ema deskoñesidu na’in-3 sona vítima ho naran inisiál EFP, iha nia uma portaun oin, Lurumata Suku Fatuhada, Postu Administrativu Dom-Aleixo, Munisípiu Dili, tuku 1:00 madrugada.
“Alin iha uma laran no nia hi’it fo’er iha karon atu lori ba tau iha li’ur portaun oin, mak derrepente ema na’in-tolu sa’e motor Revo Fit ida tesik mai lansun sona, ema halai kedas”, maun husi vítim EFP, Hipolito Casteleno, hateten iha Lurumata, Sábadu (06/08).
Nia dehan, labarik hanoin ema tuku de’it nia, no nia halai tama mai uma laran bolu mak derrepente ran sai fali.
“Nia halai tama mai hakilar mak raan sai no nia sente katak ema sona, motor suspeitu sira sa’e ne’e Xapa matrikula laiha, no ema nia ladún koñese tanba oin halai,” nia haktuir.
Maun husi vitima ne’e subliña, sona iha liman loos parte kalilin ninian, maibé grave oituan tanba raan sai maka’as loos tiru sai hanesan bee, iha uma oin raan de’it.
“Entaun ha’u ho ferikoan tula kedas ho motor iha kalan tuku ida ne’e hodi lori kedas ba Hospital Nasionál Guido Valadares (HNGV), Bidau, agora iha hela sala Emerjénsia, vítima grave tanba ko’alia ran sai husi ibun,” dehan nia.
Enkuantu kazu ne’e família informa ona ba autoridade lokál no Polísia Komunitária inklui informa ona ba Eskuadra PNTL Dom-Aleixo, hodi buka tuir suspeitu sira ne’e hodi kontinua halo prosesu ba investigasaun.
“Ami hato’o ona ba lider komunitáriu no OPS, no ohin infiltra ona ba PNTL Eskuadra Dom-Aleixo ninian hodi buka tuir suspeitu sira hodi bele kaer kontinua ba prosesu investigasaun,” katak nia.
Enkuantu Komadante PNTL Eskuadra Dom-Aleixo, Inspetór Xefe, Alex da Costa Samurai, dehan kazu ne’e nia motivu sira-nia parte seidauk hatene loos tanba parte Investigasaun sei buka tuir hela.
“Sim, ha’u simu ona informasaun maibé nia motivu ba kazu ne’e ami seidauk hatene, agora parte Investigasaun munisípiu Dili nia buka tuir ona”, nia hateten iha servisu fatin Ai-mutin, Sesta (06/08).
Nia reforsa tan, kuandu parte serbisu informasaun no investigasaun kuandu kaer ona ko hetan ona kontinua ba prosesu, no komandu munisípiu Dili sei informa ba públiku, agora sei buka tuir autór kriminozu sira ne’e.
1,690 total views, 6 views today
Bele hare Video Seluk :