ADVERTISEMENT

PNTL Detein Autór Tuda Kanek Oknum Polísia

Mario da Costa - Defesa no Seguransa
Jornalista : Beatriz Belo
Editor : Mario da Costa
  • Share
Komandante PNTL Munisípiu Dili, Superintendente Xefi Henrique da Costa, Imajen TP/Beatriz Belo

DILI (Timor Post)- Polisia Nasionál Timor-Leste (PNTL) Kaptura ona autór estudante mane ida ho inisiál PL husi Eskola Sekundária Jerál 12 Novembru, ne’ebé tuda kanek oknum polísia ida bainhira halo atuasaun ba konfronta iha Bekora.

Komandante PNTL Munisípiu Dili, Superintendente Xefi Henrique da Costa, hatete konfronta estudante husi Eskola Sekundária Jerál 12 de Novembru ho Eskola Sekundária Jerál 5 de Maiu tuda malu, maibé eskola 12 Novembru mak tuda hasoru PNTL hodi rezulta membru ida kanek ho karreta ida vidru rahun.

ADVERTISEMENT
SCROLL FILA BA NOTISIA


“Estudante ida ho inisial PL, tuda hasoru kedas xefe operasaun ho membru Kristu Rei nian ne’ebá atua ne’e, hodi rezulta xefe operasaun nia ain tuur kanek, no karreta patrulla Kristu Rei nian vidru boot oin ne’e rahun no espellu sira mós rahun hotu”, nia hateten iha knaar fatin Kaikoli, Sesta (05/08).

Lee Mós :
KOMJER Sei Identifika Membru PNTL

Nia dehan, sira-nia parte evakua kedas xefe operasaun ba Ospitál, tanba ne’e patrullamentu sira iha terenu informa mai iha Delta Bis, nune’e Komandu haruka tan forsa rezerva ho unidade espesiál Polísia partikularmente BOP, ho eskuadra sira seluk ne’ebé besik, hanesan Kristu Rei, Vera-krús, Dom Aleixo ba apoiu kedas, hodi kaptura Autór sira.

“Atu informa mós katak, suspeitu sira seluk, hamutuk ho suspeitu prinsipál ne’e iha hela Sela detensaun, nune’e ita mós informa ona ba sira-nia família, lori sira-nia sertidaun sira mai para ita haree, se sira idade menus husi 16 ita sei liberta, se sira 16 ba leten ita sei aprezenta hotu ba iha Ministériu públiku,” nia hateten.

Lee Mós :
PNTL Asegura Karreta Sukata-4 Iha Patrimoniu Estadu

Nia dehan, prosesu ne’e parte investigasaun sei kontinua hela rejistu ho númeru NUC, 0132/2022 DIBSR ho tipu krime artigu 2043 obsesaun ba autoridade artigu 2059 danu agravadu.

Nia hatete, autór sira hamutuk nain-21, mais horisehik ne’e, kaptura hamutuk 31, maibé depois de halo identifikasaun, sira seluk liberta tanba sira la inklui iha kazu refere.

Lee Mós :
C12N Lansa Pontu Hitu Relasiona ho Estadu atu Disolve Komisaun Omenajen

“Motiva husi ne’e, katak sira ne’e baibain ona, eskola rua ne’e sempre la kontente ba malu, dala-ruma sira iha kotuk ne’e sira envolve iha atividade balun, no sira lori tama to’o eskola, maibé ita-nia investigasaun ne’e sei kontinua hodi hatene motivu loloos husi kazu ne’e,” nia afirma.

Ikus nia dehan, situasaun iha eskola la’o normál. Komandu nafatin garante prosesu aprendizajen la’o normál, tanba eskola fatin atu aprende la’ós fatin atu halo krime.

 2,003 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PNTL Detein Autór Tuda Kanek Oknum Polísia” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No