ADVERTISEMENT

PNTL Rejista Kazu Krime Hamutuk 109

Mario da Costa - PNTL
Reportajen : Beatriz Belo
Editor : Mario da Costa
  • Share
Komandante Operasaun, Inspetór Xefe Polisia Delfim da Silva, Imajen TP/Beatriz Belo

DILI (Timor Post)- Komandu Polisia Nasionál Timor-Leste (PNTL), nia Komandu Munisípiu Dili, rejista kazu krime iha fulan Jullu hamutuk 109.

Komandante Operasaun, Inspetór Xefe Polisia Delfim da Silva, hatete kazu hirak ne’ebé sira rejistu ne’e maioria kazu ofensas integridade fízika simples.

ADVERTISEMENT
SCROLL FILA BA NOTISIA

“Kazu krime 109, maioria kazu ne’ebé númeru aas liu mak ofensas integridade fízika simples hamutuk 48 no kazu violénsia doméstika 25, no kazu furtu hamutuk 10, seluk ne’e kazu kaman hanesan asaltu malu iha munisípiu Dili,” nia hateten iha knaar fatin PNTL Kaikoli, Kinta (04/08).

Nia dehan, atu halo prevensaun ba krime sira ne’e, PNTL husu sidadaun hotu iha Dili tenke servisu hamutuk ho PNTL katak seguransa iha ema ida-idak nia liman atu garante Kapitál tenke sai fatin seguru ba ema hotu.

Lee Mós:
Polísia Kaptura Ona Suspeitu Ataka Leandro Xena

“Ami Komandu PNTL Dili kontinua trasa planu operasaun iha tempu kalan la’o ain ho karreta tama sai bairru iha area juridiku Munisípiu Dili no halo atividade pasa revista ba transporte karreta ho motor sira atu garante ambiente ida hakmatek no dame iha sosiedade,” dehan nia.

Entretantu, durante fulan neen hahú husi fulan Janeiru to’o Juñu 2022, Unidade Pessoas Vulneravel (VPU), iha Polisia Nasionál Timor-Lest (PNTL) rejistu kazu violénsia doméstika (VD) hamutuk 148 iha kapitál Dili.

Xefi Seksaun Investigasaun Kriminál Polisia Munisípiu Dili, Inspetór Mariano Soares, hatete violénsia doméstika ne’ebé durante ne’e akontese ne’e kontribui husi fatór rua, ekonomia no kulturál.

Lee Mós:
Tránzitu Lalin Karreta Para iha Estrada Públiku

Nia dehan, kazu violénsia doméstika ne’e nia natureza krime públiku, tanba ne’e polisia halo atendimentu tuir lei no aprezenta ba Ministériu Públiku, hodi kontinua prosesu ba Tribunal.

Nia dehan, violénsia doméstika ne’e bainhira vítima keixa haree mós kondisaun, karik kondisaun la di’ak ka kanek parte VPU entrega ba ONG PRADET hodi halo tratamentu, no kuandu rekupera ona sei kontinua prosesu.

“Kona-ba autór kazu violénsia doméstika sira daudaun ne’e balun kumpre ona prizaun preventiva iha prizaun no balun iha Tribunal, balun iha hela prosesu investigasaun iha VPU,” nia tenik.

Nia dehan, VPU halo parseria ho Organizasaun non Governamentál (ONG) sira inklui PRADET, Alfela, Fokupers no Rede Feto, nune’e bele tau matan ba atividade hotu ligadu ho kazu violénsia doméstika iha rai laran.

Lee Mós:
Operasaun BOP-COE Kaptura Joven 11 Tenta Hakat Ilegal Fronteira

“Ita halo parseria ho ONG sira para bele tau matan no akompaña, tanba violénsia doméstika ne’e vítima balun trauma no presiza hela iha uma mahon hodi halo tratamentu ba mental nune’e bele fila fali ba uma,” nia afirma.

Nia dehan, kona-ba atu halo redusaun ba violénsia doméstika ne’e la’ós VPU mesak maibé servisu ida ne’ebé kompleksu tanba ne’e presiza komunidade hotu nia kontribuisaun no konxiénsia tanba krime ne’e akontese iha komunidade nia leet.

 232 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PNTL Rejista Kazu Krime Hamutuk 109” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: