ADVERTISEMENT

Viola Regra, PNTL Prende Transporte 692

Mario da Costa - PNTL
Reportajen : Beatriz Belo
Editor : Mario da Costa
  • Share
Motor hirak ne'ebé PNTL Prende lori ba butuk iha Kaikoli, Imajen TP/ Beatriz.

DILI (Timor Post) – Polisia Nasionál Timor-Leste (PNTL), Komandu Munisípiu Dili, halo operasaun pasa revista ba transporte Governu no privadu iha fulan Jullu konsege Prende Karreta ho motorizada hamutuk 692.

Komandante Operasaun Inspetór Xefi Polisia Delfim da Silva, hatete atividade Operasaun prende transporte hirak ne’e tanba viola regra lei kódigu estrada iha area Munisípiu Dili.

ADVERTISEMENT
SCROLL FILA BA NOTISIA

“Iha fulan Jullu ita prende karreta estadu 8 ho motorizada estadu 12 no karreta privadu 62 ho motorizada privadu hamutuk 593, sira komete infrasaun viola regra lei kódigu estrada iha area juridiku Munisípiu Dili nian,” nia hateten iha knaar fatin PNTL Kaikoli, Kuarta (03/08).

Nia dehan, rezultadu operasaun iha fulan Jullu nian ne’e selu ona multa ba iha kofre estadu ho montante hamutuk 36.694.00 USD.

Lee Mós:
PNTL Dili ho BOP, Kaptura Joven 17 Iha Manleuana, Inklui Ida Lori Tudik

“Nune’e mós iha fulan Jullu,   ba sira ne’ebé infrator sira simu ona bilete, maibé seidauk selu atu foti evidénsia iha komandu PNTL Dili, hamutuk osan montante 6.605.00 USD,” nia informa.

Nia informa tan, karreta estadu ho motor estadu bainhira viola lei kódigu estrada sei aplika multa hanesn ho transporte privadu sira seluk tuir lei kodigu estrada numeru 06/2003, bainhira kumpre ona dever selu iha banku bele foti fali sira-nia evidénsia transporte ho dokumentu sira ne’ebé PNTL prende asegura iha Komandu Polisia Munisípiu Dili.

Antes ne’e, mós Komandante PNTL Munisípiu Dili, Henrique da Costa, relata ona katak, iha fulan Juñu Komandu Polisia Nasional Timor-Leste (PNTL), husi seksaun Polisia Tránzitu Munisípiu Dili, rekolla reseita iha area juridiku Munisípiu Dili, hatama ba iha kofre estadu hamutuk 30.281 USD.

Lee Mós:
Ema Deskoñesidu Sona EFP iha Uma Oin

“Durante iha fulan Juñu nia laran ami hamatak osan 3282 USD, ba konfre estadu, osan sira ne’e ami hetan husi operasaun ba iha transport no pasa revista ne’ebé ita halo tanba hetan motorista balun dala-ruma laiha karta kondusaun, balun sira transporte laiha asesores sira hanesan Espellu, xapa matríkula  no mós balun kenal poot resin, husi ne’e mak ita aplika pena multa ba sira,” nia hateten ha nia knaar fatin Kaikoli, Segunda (04/07).

Nia afirma, motorista sira ne’ebé seidauk kimpre dever atu selu ne’e sei iha 6.000, se banhira sira mai seluk mak bele foti sira nia motor.

Lee Mós:
Prezidente PSHT: Membru ba Hasa’e Sintu iha Indonézia Ilegál

Nune’e mós, nia dehan fulan Juñu nia laran operasaun pasa revista no asidente tráfegu hamutuk iha 95, husi ne’e rezulta ema ida mak lakon vida no Nain-20 mak kanek todan no mós iha kanek kman 111, asidente ne’e envolve karreta ho karreta, karreta ho Motor no inklui mós ema la’o ain.

Ikus nia dehan, pasa revista ne’e la’ós para ona, maibe sei kontinua nafatin iha fulan hirak oin mai.

 227 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Viola Regra, PNTL Prende Transporte 692” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: