Ra’ut Karreta Aat, PNTL Fó Ultimatu Loron 90 ba Na’in

Mario da Costa - PNTL
Reportajen : Beatriz Belo
Editor : Mario da Costa
  • Share
Komandante Unidade Tránzitu Munisípiu Dili, Inspetór Xefe Polisia Domingos Sarmento Gama, Imajen TP/Beatriz Belo

DILI (Timor Post)- Polisia Nasionál Timor-Leste (PNTL), Komandu Munisípiu Dili, liuhusi Tránzitu Rodaviaria, fó ona ultimatu loron 90 ba karreta Na’in, hodi bele foti karreta aat estasiona iha estrada públiku ne’ebé ra’ut iha seaman kotuk.

Komandante Unidade Tránzitu Munisípiu Dili, Inspetór Xefe Polisia Domingos Sarmento Gama, hatete karreta aat hirak ne’ebé sira prende iha Tersa (26/07), ne’e, na’in sira hahú kumpre daudaun sansaun administrativu iha komandu Munisípiu Dili.

ADVERTISEMENT
SCROLL FILA BA NOTISIA

“Na’in ba karreta aat balun iha ona inisiativa mai selu daudaun ona no balu iha ona prosesu atu mai selu no mós balun mak seidauk mai, mais iha semana kotuk ha’u fó sai ona katak sira-nia parte fó tempu iha loron 90, atu mai selu sira-nia devér”, nia hateten ba Media Online Timor Post, Domingu (31/07).

Lee Mós:
Operasaun Kalan Rua, PNTL Prende Motorizada 200

Nia dehan, iha loron 90 ne’e mak la mai selu, sira-nia parte sei entrega hotu karreta hirak ne’e ba iha patrimóniu Estadu.

Polisia Nasionál Timor-Leste (PNTL), Komandu Munisípiu Dili, liuhusi Tránzitu Rodaviaria, tula hela karreta aat sira ne’ebe estasiona iha estrada publiku, imajen TP/Jaime Pires

Antes ne’e mós Komandante ne’e, hatete ona sira halo aprensaun ba Karreta aat sira ne’ebé para iha estrada públiku tanba difikulta movimentu iha Dili laran.

Lee Mós:
UPF Kaptura Sidadaun Timor Oan Nain 2 Hatama Mina No Sigaru Ilegal Iha Fronteira

“Ita identifika fatin barak mak sidadaun sira para fali sira-nia karreta iha estrada públiku hanesan tiha fali fatin privadu, ne’e sira kontra Lei kódigu estrada, tanba ne’e komandu Jerál hatún despaxu hodi ami ezekuta atu foti hotu karreta hirak ne’e,” nia hateten iha Bairru Grilhos, Tersa (26/07).

Lee Mós:
Pasa Revista Durante Kalan Rua, PNTL Detein Motorizada 92

Nia reforsa tan, tanba ne’e ohin sira hahú foti ona kareta aat sira ne’ebé durante para de’it iha estrada públiku iha kapitál Dili ne’e, hodi fó livre ba transporte públiku sira halo movimentu.

 208 total views,  15 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ra’ut Karreta Aat, PNTL Fó Ultimatu Loron 90 ba…” A few seconds ago
  • Share

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: