ADVERTISEMENT

UPF Kaptura Sidadaun Na’in-4 Importa Kombustivél Ilegál

Mario da Costa - PNTL
Reportajen : Beatriz Belo
Editor : Mario da Costa
  • Share

DILI (Timor Post)-Polísia Nasionál Timor-Leste (PNTL), liuhusi Unidade Patrullamentu Fronteira (UPF), ohin (13/07), halo kaptura ba sidadaun Timor oan feto nain-4, ne’ebé halo tranzasaun ilegál ba kombustivel iha area Mota-Ain fronteira entre Timor-Leste ho Indonézia.

Komandante Unidade Patrullamentu Fronteira (UPF), Superintendente Polisia, Euclides Belo, hatete PNTL liuhusi Servisu Seksaun Sekreta UPF, halo vizilansia no kontrolu iha area fronteira, konsege kaptura sidadaun timoroan feto nain-4, ne’ebe halo tranzasaun ilegál ba kombusivel iha area Mota-Ain fronteira entre Timor-Leste ho Indonezia.

“Atu informa iha oras tuku sia kalan ita-nia membru Servisu Sekreta halo kapturasaun ba ita-nia sidadaun feto nain-4, ne’ebé komete krime tranzasaun ilegál husi Atambua mai Timor-Leste ba konbustivel tipu Gazolina jerigen 20ltr hamutuk 29 no 5ltr iha 7, no sira halo kapturasaun iha area TCL 12 Suku Batugade”, Euclides Belo informa ba jornalista sira liuhusivia telefone, Kuarta (13/07).

Nia dehan, sidadaun nain-4 ne’e UPF halo ona identifikasaun no termu entrega ba iha Esquadra PNTL Batugade hodi halo prosesu kontinuasaun.

Lee Mós:
Komandu Dili Sei Aprezenta Planu Harii Edifísiu ba KomJer

“Iha prosesu identifikasaun ne’e ita identifika sidadaun feto nain-4 ho inisial, CM tinan 50, husi Aldeia Lotan, Suku Leohitu maibe hela iha Mota-Ain, Suku Batugade, ALP, tinan 18, hosi Aldeia Leohitu, Suku Leohitu no hela iha Mota Ain. Enkuantu iha mós sidadaun feto nain rua ne’ebé halo kazamentu mista ho timoroan mak YMB, sidadaun Indonézia, tinan 31 hosi Suku Dolaus, Atambua-NTT, no AV sidadaun Indonézia, tinan 31 husi Suku Salore, Atambua-NTT”, Nian relata.

Lee Mós:
Somotxo: "Ha'u Ta'uk Ko'alia Kazu Detidu Mate iha Sela"

Euclides hatete, nia parte entrega ona sidadaun sira hamutuk ho evidensia ba Komandu Esquadra PNTL Batugade hodi kontinua ba prosesu investigasaun no sei prosesa tuir lei ne’ebé vigor iha Timor-Leste.

 567 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “UPF Kaptura Sidadaun Na’in-4 Importa Komb…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: