ADVERTISEMENT

UPF-F-FDTL Prende Karreta Rua Halo Tranzasaun Ilegál iha Fronteira

Mario da Costa - Bobonaro · PNTL
Reportajen : Beatriz Belo
Editor : Asisten Hermenegildo da Costa Tilman
  • Share
Masa ho gazolina ne'ebe Ekipa PNTL ho F-FDTL prende iha Fronteira, Foto Media PNTL

DILI (Timor Post)Polísia Nasionál Timor-Leste (PNTL) liuhusi Unidade Patrullamentu Fronteira (UPF) Kompañia Alfa, hamutuk ho FALINTIL-Forsa Defeza Timor-Leste (F-FDTL), halo patrulla la’o ain konsege deteta karreta rua halo tranzasaun ilegál iha Maliana, Munisípiu Bobonaru ne’ebe fronteira besik kedas ho Indonézia.

Komandante UPF, Superintendente Polisia Euclides Belo, hatete nia membru konsege halo kapturasaun ba sidadaun hirak ne’ebe halo tranzasaun ilegál iha liña fronteira.

“Los dun ita-nia membru Servisu Sekreta hamutuk ho F-FDTL halo vijilánsia no identifika tranzasaun ilegál iha area Nunura no halo kedas aprensaun ba karreta rua ho marka Avanza no Carry hamutuk ho evidénsia sira mak hanesan, gazóleu 35 litru masa hamutuk 25, sigarru marka Armour Black kaixa 4 (kartolina 320 hamutuk 3200 kaixina) maka ita prende”, deklara Komandante Euclides Belo, iha nia Kuartél UPF Nu Badak, Segunda ne’e.

Lee Mós:
UPF Kaptura Sidadaun Timor Oan Nain 2 Hatama Mina No Sigaru Ilegal Iha Fronteira

Nia dehan, bazeia ba informasaun ne’ebe rekolla katak sasán hirak ne’e lori tama hosi fronteira Indonézia nian.

“Oras ne’e daudaun ita entrega ona sidadaun sira hamutuk ho evidénsia ba Komandu PNTL Munisípiu Bobonaru hodi kontinua ba prosesu investigasaun no sei prosesa tuir lei ne’ebe vigor iha ita-nia nasaun”, nia hakotu.

 1,255 total views,  12 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “UPF-F-FDTL Prende Karreta Rua Halo Tranzasaun I…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: