ADVERTISEMENT

Komandu Dili Sei Aprezenta Planu Harii Edifísiu ba KomJer

Timor Post - Dili · PNTL
Reportajen : Beatriz Belo
Editor : Asistente Editor Hermenegildo da Costa Tilman
  • Share
Komadante Eskuadra sira tuir enkotru, Apresenrasaun Planu Anual iha Komandu Munisipiu Dili.

Dili (Timor Post)—Komandu Polisia Nasionál Timor Leste (PNTL) Munisípiu Dili realiza enkontru ho Komandante Eskuadra sira, hodi halo aprezentasaun Planu anuál Munisípiu Dili ba tinan 2023, liuliu infraestrutura sira.

Komandante PNTL munisípiu Dili, Superintendente Xefe Polisia Henrique da Costa, hatete ohin komandu Munisípiu Dili realiza enkontru ho komandante eskuadra sira, komandante xefe seksaun sira hodi prepara planu asaun anuál ba tinan 2023 nian.

ADVERTISEMENT
SCROLL FILA BA NOTISIA

“Iha planu annual tinan 2023 ita foka ba infraestrutura nian, ita presiza hare kona ba edifísiu ba iha komandu Munisípiu nian no mós eskuadra sira, ita mós hare reabilitasaun ba iha fatin balun ne’ebe mak utiliza husi públiku hanesan hariis fatin,” dehan nia ba Jornalista Sira iha nia knaar fatin Kaikoli Dili, Kinta (30/06/2022).

Lee Mós:
Fulan Rua, PNTL Hatama Reseita 69 Mil Ba Kofre Estadu

Nia dehan, hare mós kona-ba programa polisiamentu komunitaria nian sei halo atividade barak iha komunidade, no mós halao atividade prevensaun ba krime nian, para atu nune’e envolve hotu apoiu polisia hodi prevene krime akontese iha munisípiu Dili nian.

“Tanba ita hatene semana oin komandu jerál prepara atividade planu asaun anuál nian entaun ita komandu Munisípiu Dili ita tenke prepara mós ita nian atu nune’e bainhira halo aprezentasaun ne’e laos dehan buat ne’ebe mak komandu Munisípiu Dili mak deside, maibé hetan mós hanoin husi ita nia komandante eskuadra sira no mós xefe seksaun sira, atu nune’e buat ne’ebe mak lori ba ne’e bele hetan duni, no sira ne’ebe mak sira hetan iha terrenu ita lori ba aprezenta,” dehan nia.

Lee Mós:
SEA Realiza Misa Agradesimentu Selebra Loron Internasionál Ambiente

Enkuantu komandu Dili sei kontinua realiza enkontru, maibé depois ida ne’e parte komandu sei akumula ba iha formatu, para atu nune’e bainhira enkontru nasionál lori ba aprezenta.

Aleinde ne’e nia parte hatete, parte importante ida mós kontinua halao nafatin atividade vizita ba eskola, depois ba kampus kontinua programa ne’ebe mak antes ne’e halao ona iha tinan kotuk no mós tinan ida ne’e, nune’e sei realiza tan tinan oin.

Lee Mós:
PNTL Koloka Membru 200 Halo Seguransa ba Trofeu Kopa Mundial

“Programa ba eskola, ita haree liu kona ba iha kódigu penal nian, Sinai’s tránzitu no mós polisia komunitaria nian, ita iha ekipa ne’ebe mak preparadu, ba halo sosializasaun programa vizita ba eskola sira,”

Iha enkontru Planu anuál ba tinan 2023 ne’e, Komandante Polisia nasionál Timor Leste (PNTL), Munisípiu Dili Superintendente Xefe Polisia Henrique da Costa halo abertura no akompaña mós husi segundu Komandante PNTL Munisípiu Dili, Superintendente Polisia Joao Sancho Pires. Hakotu nia.

 849 total views,  12 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Komandu Dili Sei Aprezenta Planu Harii Edifísiu…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: