ADVERTISEMENT

Poesia Kona-ba Nasionalizmu husi Júlio Crispim (Be-matan/Tasi-ibun)

Timor Post - Opiniaun
  • Share

NASIONALISMU

Ita  mate nababan, haklalak nafatin; mate hela dadaun, hakat ba dadaun;

Ba moris rai-rai, tama sai sikun-sikun; la hatene sai fatin, tuba iha fatin.

Ukun rasik-an tiha, fila mai lufu lafu; sikat ba mai, tetu lerek ba ukun;

Husu ukun ba mai, foti lerek ba ukun; ukun ba mai, tetak mak belun.

Simu hikas  ba ukun, ukun nafatin; ba ukun dikin laek, ukun folin laek;

Lori ukun nafatin, ba sura mak luta; sura tun sura sae, folin mak kiak.

Husi susar ba susar, susar ba bebeik; susar ida hakat liu, seluk too netik;

Ukun rasik-an nee, folin la sura; temi tiha ba susar, matan mak ben lerek.

Wain fila moris, wain la folin; temi terus ba funu, ukun fila kotuk;

ukun ba kleuk, sukat ba urat; hadau ba boot, ki’ik mak nafatin kiak.

30 de Agosto de 2007

Julio Crispim

(Be-matan/Tasi-ibun)

 744 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Poesia Kona-ba Nasionalizmu husi Júlio Crispim …” A few seconds ago

Lee Mós:
Hadomi Turizmu, Hadomi Timor Leste
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: