ADVERTISEMENT

LIA-FUAN LENO NAROMAN BA MUNDO A-Deus tinan 2022 no Bem-Vindo tinan 2023

Mario da Costa - Opiniaun
  • Share

Hakerek nain Jesuita, hela iha Monserrat-Kasait, Liquiçá no Full-time lecturer iha Instituto São João de Brito (ISJB), Kasait-Liquiçá!)

(Reflexaun badak hamaluk ita iha loron ikus liu tinan 2022)

ADVERTISEMENT
SCROLL FILA BA NOTISIA


Iha loron ikus liu tinan ida ne’e nian, diak ba ita atu halo ezame de konsiensia ida hodi haré fali ba kotuk, reflete hodi husu ba ita nia an pergunta kík 3 ne’e:

1. Saidá mak ha’u halo tiha ona? 2. Saidá mak ha’u halo hela dau-daun? 3. Saidá mak ha’u sei halo?

Pergunta dahuluk lori ita ba deskobre konaba saida mak ita ida-idak halo ona iha tinan 2022. Saidá mak ita halo ba ita nia an rasik, ba ita nia desemvolvimento, ba ita nia krescimento hanesan ema no hanesan ema fiar nain. Ha’u lao ba oin ka ba kotuk? Iha mudansa ruma iha ha’u nia an ka lae? Se iha mudansa, mudansa oinsá? Pergunta ne’e tulun ita atu tama iha pergunta ida daruak. Ha’u halo dau-daun hela saidá atu ha’u nia moris bele diak liu tan. Ha’u halo hela saidá ba buat ne’ebé la tulun ha’u atu deselvolve ha’u nia an, laiha krescimento iha ha’u nia moris hanesan cidadaun no hanesan ema sarani. So nuné deit mak ita bele fihir ho esperansa ba tinan foun ho animo atu halo ita nia moris diak liu tan. Ita bele hare ho matan positivo ba tinan foun ho projeto atu muda ita nia moris no besik liu tan ba Maromak.

Lee Mós :
Buat tolu ne’ebé mak halo Timor-Leste di’ak liu Korea (Parte 2)

Ponto 3 ita bele reflete

1. Tempo agradecimento!

Buat barak mak akontese iha tinan ida. Diak no at, susar no susesu, luta no desanimo, tanis no ksolok hola parte ona núdar hahan lor-loron nian ba tinan ida. Nuné, ita preciza agradese ba experiensia lubuk ida ne’e. Basa, sira kontribui ba ita nia formasaun no krescimento humana nian. Tinan ba, tinan seluk ida mai. Ita kontinua lao ba oin. Sasukat lolós husi ita nia aproveitamento ba kada tinan depende iha kualidade ita nia reflexaun ou ezame de konsiensia ne’ebé ita halo bazeia ba pergunta 3 be ha’u dehan iha leten. So nuné deít mak ita bele hatene ita iha ne’ebé, ita atu ba ne’ebé. No ida ne’e, mak ita fo sentido ba ita nia moris. Ita nia agradecimento hetan nia abut iha reflexaun ne’ebé ita ida-idak halo. Ida ne’e mak ita nia modo haré Maromak kontinua hadomi, guia, proteje, tulun no haraik grasa wain ba ita.

Motivo bót liu ba ita nia agradecimento mak evanjelho Joaun hato’o mai ita katak Maromak Oan halo an ba ema atu bele soi ita ema. Nia mak Aman Maromak nia Lia-Fuan. Saun Joaun, fo eko ba linha dahuluk husi storia kriasaun, nia klama núdar storia Jesus-Kristo nian. Nia sujere katak ne’e haklaken ona iha livro dahuluk biblia nian hanesan buat ida ne’ebé akontese iha inisiu tempo nian, ne’ebé mak realiza ona agora, wainhira Lia-Fuan sai ema ou hola isin ema nian. Imagem/ilas perfeito no lalatakvsemelhansas Maromak nian. Maromak nia Oan Mane mesak sai ema hanesan ita atu nuné, nia bele soi ita. Iha nia, Nai Maromak kria ita tuir nia ilhas hanesan nia. Fo kbit a ita atu sai Maromak Oan. Kriasaun ne’e akontese laós la ho ita, maibé, involve ita nia liberdade. Chave mak fiar iha Lia-Fuan hola isin ema nian, nia Mak Naroman lolós haruka husi Aman Maromak atu hasai ita husi nakukun sala nian.

Lee Mós :
Kopa Mundiál 2022, Luis Enrique La Kontente Maski La Furia Roja Kualifikadu ba Ronda 16

Metafora naroman/luz uza husi kristaun dahuluk sira atu entende konaba prezensa no asaun Jesus nian. Iha koalia konaba Naroman ne’ebé fo naroman iha nakukun laran, entende hanesan testemunha/sasin mestre loke prespektiva foun ida ba umanidade iha modo ida ne’ebé permite lao iha seguransa sem sidi sala no at..

Discipulo Maromak nian lao iha naroman kuando husik ba kotuk ninia egoismo, loke nia fuan ba miserikordia no sai solidario ho sira ne’ebé terus no susar no marginalizados.

2. Husu perdaun!

Tinan ida laós tempo badak. Ita iha fulan 12 kedas. Iha buat barak ne’ebé ita halo ne’ebé la tuir ita nia ukun no bandu, la tuir Nai Maromak nia ukun no bandu. Nuné, ita preciza ho haraik an husu perdaun an rasik, ba maun alin sira, ba natureza no ba Maromak. Ida ne’e mak dalan diak liu atu ita husik tinan tuan ho atitude laran luak. Ita nia Adeus ba tinan tuan 2022, tenki lori ba ita sentimento no atitude agradese ida, maibé mós, triste tamba la uza tempo didiak.

Lee Mós :
APC Rejistu Uma-Kain Tolu Afeta Dezastre Natural

3. Ho esperansa husu grasa atu sai ema liu tan!

Bazeia ba ita nia reflexaun, ita bele hatene ona saida mak ita preciza atu halo iha tinan tuir mai 2023. Nuné, ita preciza matan fihir nafatin ba Kosok-Oan Jesus-Kristo ho esperansa katak ita bele sai diak liu tan. Nia sei leno ita nia dalan no iha nia, ita bele konfia ita nia jornada moris nian. Tan ne’e, ita preciza husu grasa atu ita iha matenek naton hodi deskobre surpreza Nai Maormak nian ba ita iha tinan ida tuir mai ne’e.

Ita oferese ita nian tinan 2023 ba protesaun Maromak Trindade nian ho intersesaun Sagrada familia: Jesus, José no Maria. Só nuné deít mak ita bele hananu ho salmista: Lalehan haksolok, rai klaran hahí. Amen!

 

 

 

 

 

 

 

 3,243 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “LIA-FUAN LENO NAROMAN BA MUNDO A-Deus tinan 202…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No