ADVERTISEMENT

Hein Ho Pasiensia, Sei Lori Ba Ksolok “Imi ba haktuir ba João konaba saida mak imi haré no rona”

Timor Post - Opiniaun · Relijiaun
  • Share

(Reflexaun badak ba domingo III tempo Advento/Domingo Gaudete.

 Is. 35, 1-6.10; Sal. 145(146); Tg. 5, 7-10; Mt. 11, 2-11)

ADVERTISEMENT
SCROLL FILA BA NOTISIA


Husi: Luis Pereira S,J

Kontexto!

Ita hakat tama dau-daun ba semi-final copa mundial nian. Nasaun sira ne’ebé liu ba, no sira nia torsedores, hein ho paciensia no haksolok atu hetan resultado diak nafatin. Tempo advento mós, mak tempo ida ne’ebé ita hein. Ita hein Nai Jesus nia hít-an mai. Ita nia hein ne’e rasik, necesita pasiensia. Basá, nia implika mós hein Naí nia mai ba daruak/parusia, ne’ebé ninia tempo ita la hatene bainhira lós. Tamba ne’e, mak Saun Tiago nia surat iha leitura daruak, husu ita atu iha pasiensia, hanesan to’os nain/agrikultor ida hein, atu hetan resultado diak husi nia serbisu. Hein ne’e mós, iha elemento terus. Nuné, preciza grasa Naí nian, atu ema ida metin nafatin iha nia hein ne’e. So nuné deit, mak sei lori nia ba ksolok.

Domingo III tempo advento nian hanaran mós ‘Domingo Gaudete’ katak Domingo Ksolok. Inan Santa Kreda, konvida ita liu husi leitura sira, atu hein ho ksolok ba Maksoin ne’ebé mak atu mai. Tamba ne’e, ita preciza halo buat ruma, núdar sinal konkreto, ita nia preparasaun no konversaun nian hodi bele hakat ba, no selebra Festa Natal ho diak: Kosok Oan Jesus-Maksoin nia moris.

Ponto 3 ita bele hanoin, reflete no medita hamutuk:

  1. Fo ksolok!
Lee Mós :
Maromak Nia Bibi-oan Ne’ebe Kasu Mundo Nia Sala Mak Ne’ebá ‘Naroman ne’ebé halakon nakukun mundo nian’

Domingo ida ne’e, ita halo lakan lilin datoluk. Lilin ho kor rosa, signifika kor ksolok nian. Sinal ida, ba ita nia fuan haksolok ba Kosok Oan Maksoin ne’ebé sei mai moris iha ita nia lét. Ksolok ida ne’e, mak haklaken iha leitura dahuluk husi profeta Isaias. Ksolok tamba Naí ida ne’ebé atu mai ne’e, mak sei liberta no proteje ita husi inimigo, husi tauk, husi terus, husi susar, kura ita nia moras sira: fiziku no Espiritual nian, soi ita husi mate rohan-laek no lori ita ba ‘terra prometida’. Ita preciza haksolok tamba Maksoin/Libertador ne’e, besik ona atu mai. Ho ksolok ida ne’e duni, mak ita bele fahe ba malu, moris iha paz no dame nia laran.

  1. Fo sasin!

Leitura datoluk husi evanjelhu Saun Mateus nian, haktuir mai ita katak João hein kleur ona Messias. Nuné, iha prizaun laran, nia haruka nia manu-ain sira ba husu Jesus katak Nia mak  Messias ida ne’ebé sira hein ka sei iha seluk ida tan. Jesus dehan ba nia manu-ain sira atu haktuir ba João konaba sinal sira ne’ebé sira rasik haré ho matan no rona rasik ho tilun: Monok sira koalia; diuk sira rona; delek sira haré; moras sira hetan isin diak; mate sira moris; nst,.

Lee Mós :
Joven GAM & GAR Liga Asuntu Seguransa

Eskolante João nian ba fo sasin: notisia ksolok Maksoin nian ne’e, ne’ebé sira rasik experiensia. Sira haré, rona no sente rasik salvasaun ne’e. Nuné, sira ba fahe ba João lia-los ida ne’e. Ha’u fiar katak João haksolok rona Lia-Foun Diak ne’e, husi ninia eskolante sira. Ita hot-hotu no ita ida-idak hetan konvite husi Saun Mateus atu lao tuir eskolante João nian, hodi ba buka Jesus; husu ba nia; passa tempo ho nia; atu ita haré rasik, rona rasik no esperiensia rasik Lia-Foun Diak salvasaun nian. Advento oferese ba ita oportunidade no tempo atu halo ida ne’e.

  1. Fo Fuan!

Iha tempo advento, ita hasoru figura balu ne’ebé sai instrumento importante iha prepara dalan ba Nai nia mai. Hanesan profeta: Isaias, João Batista, Maria Virgem no seluk tan. Iha evanjelhu, aprezenta mai ita figura João Batista ne’ebé dadur hela iha prizaun. Nia mak ida ne’ebé, hakilar iha rai-fuik maran hodi dehan hakribi salan no fiar Lia-Foun Diak Salvasaun nian. Nia fo fuan tomak ba Naí Maromak, atu halao ninia misaun fo sasin nian ho ksolok iha rai-fuik-maran no iha dadur-laran. Núdar manu-ain Messias nian, nia fuan okupa deít ho projeto Maromak nian no ema seluk nia salvasaun. Moris ida orienta ba Maromak no ba ema seluk ne’e, mak ita peciza haburas, multiplika iha ita nia moris lor-loron nian, liu-liu iha tempo advento ne’e. Ida ne’e, mak sinal konkreto husi ita nia konversaun ou husi ita nia transformasaun-mudansa de mentalidade no konsiensia iha nivel pessoal no komunitaria.

Lee Mós :
Prezidente Nicolau Lobato Terus, La Simu FRETILIN Komunista

Mai ita aproveita domingo Gaudete ne’e, hodi fo ksolok ba malu, fo sasin ba malu no fo fuan ba malu atu Maksoin ne’ebé atu mai, soy duni ita no ita soin duni simu Maksoin ne’e. So nuné deít, mak ita bele hananu ho salmista: “Naí hít-an mai! Naí mai soy ami!”. Amen!(*lupersj)

*(Hakerek nain Jesuíta, hela iha Monserrat, Kasait-Liquiçá no full-time lecturer iha Instituto São João de Brito (ISJB)!)

 2,276 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Hein Ho Pasiensia, Sei Lori Ba Ksolok “Imi ba h…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No