Opiniaun-PRAZO LORON 60 NO DEMISSAUN GOVERNU TUIR CRDTL

Koalia kona ba prazo loron 60 tuir CRDTL aplika deit ba situasaun rua: (1) aplika ba OGE la aprovadu iha PN durante loron 60 nia laran [sura husi loron 15 fulan Outubro (art. 30.º, n.º 1 LOGF no art. 162.º RPN, LAOS sura hahu husi loron nebe PN la aprova OGE); (2) aplika ba Governu la forma durante loron 60 nia laran (sura husi loron hahu Legislatura foun ka loron Demisaun Governu, LAOS sura husi loron Governo la forma).

Publiku hein hela loron 60 sura husi loron PN la aprova OGE (hein sala los). Atu dehan tan deit, problema lolos, laos hahu ho PN la aprova OGE 2020 (aktu PN la aprova OGE 2020 nee, invalido jurídica no constitucionalmente, tanba depois de retira proposta OGE 2020 iha loron 3 fulan Dezembro 2019, VIII Governo ladauk bele hatama fali proposta OGE 2020 nee ba PN iha sesaun legislativa ida nee (art. 97.º n.º 3 CRDTL) no mos iha sesaun legislativa tuir mai (art. 97.º n.º 4 CRDTL).

SCROLL FILA BA NOTISIA

Tanba nee, PR resolve problema nee, la hahu husi proposta OGE 2020 LA APROVA iha PN; Karik resolve problema hahu husi nee, entaun PR sei foti demisaun hodi dissolve deit PN tuir artigo 86.º al. f) CRDTL.

Nunee, PR resolve problema hahu husi proposta OGE 2020 LA VOTADA (tanba retirada) iha PN. Husi nee, PR hahu aplika art. 97.º n.º 5 CRDTL atu bele demite VIII Governo hodi halo kaduka tiha proposta OGE 2020 husi VIII Governo; nunee Governo foun bele elabora fali no apresenta fali proposta OGE 2020 ba PN hodi halo aprovasaun, atu RDTL bele iha Lei OGE 2020.

Husi art. 97.º n.º 5 CRDTL mak hakat ba alinea sira iha n.º 1 art. 112.º CRDTL atu hetan kondisaun ba demisaun VIII Governo. Husi kondisaun sira prevista, ida iha possibilidade boot liu mak PM halo pedido demisaun ba PR [art. 112.º n.º 1 al. b) CRDTL].

PM iha consciencia da nação, sentido do Estado no entendimento ba Constituição hodi hatama ona nia pedido demisaun ba VIII Governo ba PR hodi cumpre lolos kodisaun mais favoravel nee, atu bele taka dalan ba EA [tanba atu iha inicio nova Legistura tuir al. a) n.º 1 art. 112.º CRDTL, tenki iha Eleisaun lai] hodi like deit dalan ba formasaun Governo Foun tuir art. 106.º CRDTL.

Atu bele completa kondisaun prevista iha n.º 1 art. 112.º CRDTL, PR tenki fo aceitasaun ba pedido demisaun nee. Nunee, iha pedido no mos iha aceitasaun hodi bele aplika n.º 2 art. 112.º.

Wainhira, husi pedido PM ba demisaun Governo hetan ona aceitasaun husi PR, mak PR bele verifika tan ona pressuposto 3 previsto iha n.º 2 art. 112.º CRDTL nee, mak: (1) verifika uluk pressuposto kona ba kazu previsto iha n.º anterior (n.º 1 art. 112.º CRDTL) mak pedido no aceitasaun ba demisaun Governu; (2) PR verifika mos pressuposto kona ba, necessário duni demisaun governu hodi assegura normal funcionamento instituisaun democrática sira; (3) ikus liu, PR tenki rona Conselho Estado (CE), tanba CE mak sei PRONUNCIA kona ba demisaun governo [art. 91.º n.º 1 al. b) CRDTL].

Wainhira CE pronuncia ona demisaun governo mak PR bele decreta no halo anuncio ba demisaun VIII Governo iha publico.

Wainhira PR decreta ona demisaun governo mak PP ka koligasaun sira iha PN hahu halo mudança ba Meja Parlamentar (art. 18.º e ss do RPN), maibe nudar acto ka movimento politico iha PN nee, ba situasaun em causa, bele hahu dadaun ona hodi ALERTA ba Governo katak iha PN la iha maioria parlamentar neebe apoio VIII Governo.

Too ohin PR ladauk bele fo sai resultado ruma tanba, too agora mos, PR ladauk rona CE no CE mos ladauk konvokadu hodi bele pronuncia kona ba demisaun VIII Governo, tanba PR bele konsidera katak processo ladauk aproxima didiak ba solusaun jurídika-constitucional sira.

Wainhira ita hare no rona katak CE reune ona atu pronuncia demisaun VIII Governu, entaun bele hein loron ida ka rua PR bele fo sai ona nia resultado ruma.

Demite ona VIII Governo bele Forma ona Governo foun (indigitatsaun PM foun nebé koligasaun maioria parlamentar actual apresenta ba PR nee sei konsidera nudar resultado ida husi movimento politica nebe PR haruka PP sira halo iha PN, no mos hodi bele loke dalan ba PN atu halo mudança ba meja parlamentar (loke processo ba hili PPN foun no vice-PPN sira). (*)

704 total views, 3 views today

Oinsa Ita nia Reaksaun iha Notisia Nee?