ADVERTISEMENT

Gregório Saldanha husu Estadu TL-RI Buka Ruin Loriku Asuwa’in no Nicolau Lobato

Timor Post - Jeral
  • Share

Timor Post (12/11/2020)-Prezidente Komité 12 Novembru Gregório Saldanha, husu estadu Timor-Leste halo kontaktu formalmente ho autoridade forsa Indonézia hodi buka ruin hahú hosi lider boot Nicolau Lobato no jovem loriku as swain.

“Ami husu nafatin atu autoridade Timor-Leste nia kompeténsia sira  tenke buka dalan ho seriedade hodi halo kontaktu ho formais ho autoridade forsa Indonézia sira ne’ebé uluk iha Timor-Leste hodi buka hetan lalais juventude loriku asuwa’in sira no lider boot Nicolau Lobato ne’ebé to’o ohin loron seidauk hetan sira nia ruin”, Gregório levanta iha nia diskursu ba selebrasaun loron Masacre 12 Novembru ba dala 29 iha Semitériu Santa Kruz Dili, Kinta (12/11).

Autór prinsipál ba asaun manifestasaun Pasífiku kontra indonézia iha 1991  mós husu atu governu tenke harii ona monumentu massacre santa krús, hanesan memória tanba kleur demais ona.

“Mezmu ke governu hira mak troka malu maibé fatin ida ne’e seidauk troka ho buat ida, tan ne’e husu atu governu bele fó atensaun lalais hodi harii monumentu ida ne’e”, hatutan Saldnaha.

Alende ne’e nia  ba governu kumpre promesa hodi troka jardín 12 Novembru Motaél ba Jardín Sebastião Gomes, nune’e hodi evita negasaun fatin istóriku.

“Ha’u ko’alia nafatin tanba iha tinan 2003 ha’u simu surat hosi Primeiru Ministru,  Kay Rala Xanana Gusmão oriente komité 12 Novembru tenke harii uluk monument 12 Novembru depois mak harii fali Sebastião Gomes nian iha igreja Motaél,” nia haktuir.

Iha okaziaun ne’e Gregório  apela ba  foin sa’e sira atu badinas ba eskola, badinas halo serbisu no respeita malu liuliu ba ema seluk otas boot liu imi.

“Joven tenke moris hahú ho ambiente foun ne’ebé nakonu ho toleránsia, respeita malu, fó domin ba malu, solidariedade no unidade tanba Timor-Leste nian futuru iha joven sira nia liman”, Saldanha apela.(Jornalista : Julio Salinas Soares)

 516 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Gregório Saldanha husu Estadu TL-RI Buka Ruin L…” A few seconds ago

Lee Mós :
Komunidade Uma Kain 40 iha Suku Bebonuk Asesu ona UNP

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No