ADVERTISEMENT

Sosiedade Sivil Akuza FRETILIN Monopóliu Ukun

Timor Post - Nasionál
  • Share

Timor Post (14/10/2020)-Akadémiku Julio Aparício hosi Universidade Nasionál Timor Lorosa’e (UNTL), hatete  Fretilín ba viabiliza de’it hodi hanaruk VIII governu to’o nia mandatu remata, la’ós hatudu dominante hodi hadau ukun to’o munisípiu liuliu ba kargu administradór no prezidente autoridade sira hotu.

“Ema hotu hatene katak estadu ida ne’e estadu demokrátiku, ne’e katak buat hotu  mai hosi povu, tan ne’e atu se de’it mak ukun ne’e tenke hatudu demokrátiku, maibé labele hatudu monopóliu, hatudu  dehan katak dominante ne’e labele”, afirma Julio Aparício ba Timor Post iha nia knar fatin Kampus UNTL Kaikoli Dili, Kuarta (14/10).

Dosente Fakuldade Siénsia no Polítika iha UNTL ne’e rekorde konseitu ne’ebé Fretilín fó sai katak viabiliza, maibé realidade okupa buat hotu.

“Sira hadau podér hotu-hotu, ne’e katak konseitu ne’ebé sira uza buat ketak ida, implementa buat ketak ida ne’e la tuir sira nia termu konseitu ne’ebé durante ne’e sira ko’alia dehan hamutuk mak ita bele,  tan ne’e nu’udar akadémiku ida la’ós kritika maibé fó hanoin katak uza demokrátiku ne’e ho kór oi-oin labele ida deit mak domina to’o munisípiu hotu, ne’e la hatudu ona katak demokrasia la’ós la’o hanesan ne’e”,  tenik professor ne’e.

Nia mós dehan Fretilín labele haree dehan Ministériu ESTATAL mai hosi Fretilín ona ne’ebé buat hotu tenke tau ema Fretilín de’it hanoin ida ne’e ladún di’ak.

“Ita haree Fretilín ba ne’e viabiliza de’it, labele dehan Ministru Estatál mai ona hosi Fretilín ne’ebé buat hotu nia manda ne’e tenke mai hosi ema Fretilín hotu ne’e laloos, seolah-olah ita atu uza dictator ida, konseitu demokrasia maibé hahalok implementasaun ne’e ditadura ida”, kompara akademista.

Aparício dehan karik Fretilín manan maioria ne’e buat ketak ida, maibé konseitu mai ne’e partidu tolu mak hamutuk mak hodi forma governu ida ne’e, tuir loloos tenke iha balansu entre partidu tolu hanesan Fretilín, PLP no KHUNTO hodi hatudu dalan demokrasia ne’e loloos.(Jornalista : Julio Salinas Soares)

 259 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Sosiedade Sivil Akuza FRETILIN Monopóliu Ukun” A few seconds ago

Lee Mós:
Governu Hanaruk Kontratu Rehabilita Estrada Dili ba Manatutu
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: