Timor Post (14/10/2020)-Oitavu Governu liuhosi reuniaun Konsellu Ministru kuarta (14/10) aprova, projetu proposta lei kona-ba estatutu foun ministériu públiku nian.
“Ohin konsellu ministru aprovadu ho aliterasaun projetu proposta lei ne’ebé aprezenta hosi Ministru Justisa, Manuel Cárceres, kona-ba estatutu foun ministériu públiku nian”, informa Ministru Prezidensiál Konsellu Ministru, Fidelis Magalhães, iha Palasiu Governu, kuarta (14/10).
Governante esplika, projetu proposta lei ne’e ho objetivu atu atualiza estatutu profisionál ministériu públiku nia ne’ebé laiha aliterasaun dezde tinan 2011.
Eis Xefe Casa Civil Prezidénsia da Repúblika, reforsa aliterasaun projetu proposta lei ne’e atu rezolve lakuna sira ne’ebé deteta durante tinan hirak liubá.
“Ho estatutu foun ne’e governu hakarak asegura objetivu esensiál tolu ne’ebé mak hanesan, reforsu autonomia ministériu públiku nia, moderniza no adekuasaun ba orgánika ba ezijénsia atualidades no dezempeñu tomak ba funsaun sira ne’ebé atu reforsa kondisaun ministériu públiku hodi kontinua kontribui ba administrasaun ne’ebé di’ak iha justisa ho prestasaun servisu ida ne’ebé efisiente, oportunu, izentu, kredivel, objetivu no justu” hateten Ministru.(Jornalista: Jaime Pires)
748 total views, 3 views today
Oinsa Ita nia Reaksaun iha Notisia Nee?
You have reacted on “KM Aprova Aliterasaun Proposta Lei Ba Estatutu …”
Bele hare Video Seluk :
Subscribe to Timorpost1
/
1948
BOMBEIRUS SELEBRA ANIVERSARIU BA DALA 24
ME HAMUTUK HO UNFP LANSA FASILIDADE KUIDADU SAÚDE IHA ERMERA
APS SEI MONTA TAN POSTU BOMBEIRUS IHA FATIN 7
1
/
1948
