Timor Post (01/10/2020)—Rede Feto Timor-Leste realiza asembleia jerál membru durante loron rua 30 setembru, to’o 01 Outobru ba periodu tinan haat (4), ho tema “HAMUTUK REALIZA IGUALDADE NE’EBÉ INKLUZIVU”.
Iha asembleia ne’e, Prezidente Meza maka Jacinta Luijinha, Vise Juliana de Oliveira Marçal, Sekretaria Graçiana da Silva ho Membru Manuel dos Santos no Meza Verikasaun Terezinha Cardoso ho Jacinta A. Pereira.
Asembleia ne’e dahuluk liu aprejenta relatóriu narativu no finansas periodu 2016-2019, halo aprovasaun ba planu estratéjiku Rede Feto Timor-Leste periodu 2020-2025.
Asemblei ne’e sei hili mós lideransa foun ba periodu tuir mai hodi troka Prezidente sesante Judite Dias Ximenes ho nia estrutura ne’ebé nia mandatu hotu ona iha fulan hirak liu ba.
Entretantu kandidatu forte ba prezidente periodu 2020-2025 maka Terezinha Cardoso no Jacinta Luijinha.
Partisipa iha asembleia ne’e Komisária Direitu Labarik, Dinora Granadeiro, Embaixador Nova Zelândia, Phlilip Hewitt, Parseiru Dezenvolvimentu sira mak hanesan, IWDA, OXFAM, DFAT, PHD, TOMAK, PLAN INTERNASIONAL, WATER AID, GIZ-TL, FUNDADORES Reprezentante UNPAZ, UNTL, Ativista Sénior, Diretores Organizasaun Membrus Tolu-nulu-resin-Ida (31)
Asembleia ne’e hetan Apoiu Fundus husi Sekretaria Estadu Igualdade no Inkluzaun, IWDA, OXFAM. (cao)
692 total views, 3 views today
Bele hare Video Seluk :