Timor Post (23/09/2020)- Oitavu Governu Konstitusionál liu hosi reuniaun Konsellu Ministru deside, husu Prezidente Repúblika atu aumenta tan estadu emerjénsia. Sé Prezidente dekreta, konta EE iha Timor-Leste hamutuk dalas-6.
“Governu delibera atu propoin ba Sua Exelénsia, Señór Prezidente Repúblika, Francisco Guterres Lú Olo, estensaun estadu emerjénsia, ba loron tolunulu tan”, Ministru Prezidensiál Konsellu Ministru Fidelis Leite Magalhães fó sai ba Jornalista sira iha Palasiu Governu Kuarta (23/9)
Governante ne’e hatete desizaun ne’e haree ba mudansa preokupante husi situasaun epidemialójika no proliferasaun ba kazu rejista husi kontájiu COVID-19 iha nivel rejionál nomós nivel mundiál, atu evita no neutraliza risku sira husi propagasaun SARS-CoV-2, hodi proteje saúde públika no kapasidade resposta ba Sistema Nasionál Saúde.
“Governu propoin ba Señór Prezidente Repúblika katak, liuhusi estensaun husi deklarasaun kona-ba estadu emerjénsia, permite atu suspende ka restrinje direitu tomak kona-ba sirkulasaun internasionál, sirkulasaun no fiksasaun rezidénsia no rezisténsia”, hateten membru Governu.
Eis Xefe Casa Civil Prezidénsia da Repúblika mós deklara, maski governu hosu atu extende tan dala ida maibé laiha hanoin atu halo mudansa ka regra balun tanba ne’e sei mantein ho regra sira ne’ebé mak agora daudaun la’o hela.
“Ita husu atu estende maibé governu laiha hanoin atu halo mudansa ba regulamentu sira ne’e ita sei kontinua ho regra no lala’ok sira ne’ebé mak ita la’o agora daudaun ne’e”, Ministru hakotu.(Jornalista: Jaime Pires)
780 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
1
/
1934
PN HUSU GOVERNU FASILITA UPM KONTROLU PESKA ILEGÁL
ABAN, KONGRESU NASIONÁL KHUNTO HILI ESTRUTURA FOUN
TL LAKON MILLAUN 5 9 KADA TINAN BA DEZASTRE NATURÁL
1
/
1934