ADVERTISEMENT

Assanami kontra Sistema Teste Ala Militar husi SEFOPE ba Kandidatu Traballadór SWP

Timor Post - Jeral
  • Share

Timor Post (22/09/2020)-Prezidente Partidu Demokrátiku (PD) Mariano Sabino ‘Assanami’ rekomenda ba Sekretáriu Estadu Formasaun Professional no Empregu (SEPFOPE) atu revee sistema teste ba kandidatu Seasonal Worker Program (SWP) Australia.

Reprezentante povu hato’o pozisaun ne’e tanba hare viral iha públiku kandidatu simu sira tuir teste hanesan militár.

“Primeiru ha’u hanoin presiza haree didi’ak padraun sira ne’ebé ema atu ba iha ne’ebá saúde di’ak la’ós tenke liu hosi hanesan ne’e, mas prontu ne’e bele dalan ida maibé, sé hanesan ne’e sira tenke iha asrama ida depois prosesu ida ne’ebé naruk la’ós derrepente de’it ema balu han di’ak balu han ladi’ak depois ba kedas ho teste ida ne’ebé hanesan fali atu tama forsa ka polisia ne’e hanesan ne’e, nu’udar deputadu iha parlamentu la aseita ho modelu sira hanesan ne’e, maibé ne’e SEFOPE mak tenke hadi’a ninia estandardizasaun ne’e, periksaan ba saúde di’ak ne’e la’ós presiza tenke liu hosi dalan sira ne’ebé mak atu sai fali militár”, Asanami kestiona iha parlamentu nasionál Tersa (22/09).

Deputadu ne’e hatutan ba SEFOPE karik atu aplika sistema hanesan ne’e ba kandidatu traballadór entaun governu tenke fasilita asrama fulan ida ka rua kandidatu sira maka foin halo sira tuir teste fíziku hanesan ne’e ba sira.

Entretantu lider foin sa’e ne’e observa serbisu iha Australia la’ós hanesan militár maibé hanesan baibain tanba ne’e teste fíziku la presiza todan hanesan.

“So ema ne’ebé atu tama ba iha forsa ho polisia mak bele liu hosi dalan ida hanesan ne’e maibé ema sivíl atu ba serbisu baibain ne’e la presiza halo teste todan. Governu tenke muda buat sira hanesan ne’e”, tenik Assanami.

Enkuantu Prezidente Bankada CNRT Duarte Nunes, hatete mosu mos diskriminasaun iha kandidatu sira ne’ebé atu ba serbisu iha rai li’ur.

“Ema ne’ebé tuir regras prepara an ona atu ba, hakfodak naran laiha fali, ema ne’ebé la tuir regra naran mosu fali ida ne’e ha’u rasik mós hetan keixa barak kona ba ida ne’e,” haktuir Nunes.

Reprezentante povu ne’e sujere ba governu katak teste fíziku sira hanesan ne’e la presiza SEFOPE mak atu fó ba kompañia na’in hosi rai li’ur, polisia maka nune’e kredivel.(Jornalista Julio Salinas Soares)

 1,536 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Assanami kontra Sistema Teste Ala Militar husi …” A few seconds ago

Lee Mós :
Timoroan Ida Hetan Apresiasaun Di’ak no Sai Team Lider iha Crewe-Reinu Unidu

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No