Timor Post (21/09/2020)- Deputada hosi Bankada CNRT, Fernanda Lay, hatete durante parlamentu autoriza governu hatún ona osan hosi fundu petrolíferu 1.5 milioes ba fundu covid-19, maibé depois de autorizasaun laiha informasaun ezekusaun.
“ Durante ne’e ami laiha informasaun liuliu kona ba ezekusaun orsamentu seguransa sosiál nian, ezekusaun orsamentu RAEOA mós ami laiha, kona ba verba ida governu aloka orsamentu ba iha UNDP $ 5.7 miloens hodi hola ekipamentu ida ne’e mós ami laiha informasaun no osan hira mak governu hatún ona hosi fundu petrolíferu depois de autorizasaun ne’e mós ami laiha, tan ne’e husu governu atu kompleta dokumentu liuliu ba fundu Covid-19 nian,” kestiona Fernanda Lay liu hosi plenária iha Parlamentu Nasionál, Segunda (21/09).
Membru Komisaun C iha PN ne’e duvida mós ho dokumentu Governu nian ida ne’ebé fahe ba komisaun iha 2 Setembru 2020.
Dokumentu ne’e sita total ezekusaun ho kategoria transferénsia ho montante U$ 83 mil inklui ho valor fundu kontizensia DOT ho montante U$ 7 millions iha Institutu Nasionál Seguransa Sosiál tanba ne’e membru parlamentu ne’e kestiona sera ké governu empresta osan INSS ho montante 7 miloens.
Hatán ba ne’e tuir Ministru Finansas, Fernando Hanjam, hatete orsamentu $ 7 millions aloka ba iha verba ne’e akontese kuandu seidauk kria fundu Covid.
“Komu iha seguransa sosiál sira presiza tebes entaun aloka ba iha ne’ebá. Maibé depois kuandu iha ona fundu Covid nian ita fó filafali iha governu nia kofre tanba ida ne’e la’ós emprestimu para iha funan” hatán Ministru.(Jornalista: Julio Salinas Soares)
667 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
1
/
1886
KULTU PASKOA IHA IGREJA EVANGELICA ASSEMBEIA DE DEUS VILA-VERDE DILI
MISSA PASKOA KINTA-FEIRA SANTA IHA KAPELA MARIA AUXILIADORA FOMENTO I
MISSA PASKOA KINTA-FEIRA SANTA IHA KAPELA MARIA AUXILIADORA FOMENTO I
1
/
1886