Timor Post (11/09/2020)-Parlamentu Nasionál (PN) liuhusi plenária extraordinária fó votu pezar ba Saudozu Faustino dos Santos “RENAN SELAC” nu’udar asswain frente armada iha libertasaun nasionál ne’ebé hakotu iis iha Ospitál Nasionál Guido Valadares (HNGV sigla Portugués) iha loron 10 fulan Setembru 2020 (11:30) ho idade 63.
Tuir Ministra Saúde (MS) Odete Belo katak, deputadu iha segunda lejizlatura ne’e hapara nia viajen iha mundu tanba sofre moras kardivaskular (moras fuan).
Deputadu David Dias ‘Mandati’ introdús, katak ninia omólogu Renan Selac nu’udar sekretaria rejiaun I Ponta Leste, nia karakter forte determinante, maibé laran murak dala ruma goza malu halimar iha fatin ida ne’e duni (Parlamentu), iha deferénsia ideas iha plenária maibé sai tiha ba li’ur ko’alia ba malu hanesan laiha deferénsia.
Iha fatin hanesan Deputadu Mariano Asanami Sabino, sente triste ho Renan Selac ninia hakotu is iha hospital Nasionál Guido Valaderas.
“Ha’u hanoin horisehik teki-tekir ita hotu rona katak ita nia funu Nain ida , ita nia veteranus ne’ebé hola parte iha funu ne’e organiza no mobiliza, bainhira funu remata mós firme nafatin atu kontribui ba prosesu demokratizasaun ne’ebé di’ak, ema ida ne’ebé veteranu 24 anos ohin loron ita lakon ona nia hodi ba moris mundu seluk. Maibé buat hotu ne’ebé Renan Selac halo atu inspira ba ema hotu hodi hatutan ba jerasaun foun sira” hatete Assanami.
Nune’e mós Deputada Olinda Guterres, subliña moris tenke iha istória tan ne’e saida mak saudozu Renan Selac halo sai istória boot ida ba povu Timor-Leste.
“Ita ema moris tenke iha istória, ita nia inan no aman fó istória ita konta, ita hala’o no ita mós hatutan istória ka rai hela istória para hodi nune’e jerasaun ba jerasaun bele konta tutan ba tutan, hanesan saida mak maun Renan Selac halo ida ne’e istória boot tebes mai iha nasaun Timor-Leste ida ne’e” Olinda hakotu. (Jornalista Julio Salinas Soares)
945 total views, 6 views today
Oinsa Ita nia Reaksaun iha Notisia Nee?
You have reacted on “Parlamentu Nasional fó Votu Pezar ba Saudozu RE…”
Bele hare Video Seluk :
Subscribe to Timorpost1
/
1935
#GOVERNURONA - IMPLEMENTASAUN IX GOVERNU KONABA DESENTRALIZASAUN PODER LOKAL
PROBLEMA TORRE, DEFÍSIL KOMUNIKA LIU HOSI RÁDIU KOMUNIKASAUN
PN HUSU GOVERNU FASILITA UPM KONTROLU PESKA ILEGÁL
1
/
1935
