VIQUEQUE—Segunda loron 07/09 mais menus tuku 09 kalan lafaek tata mate komunidade Marselino Pinto ho idade 74 iha aldeia Udo, suku Uani-Uma postu administrativu Uatu Carbau, munisipíu Viqueque.
Tuir Aplonia Das Dores haktuir katak, matebian Marselino lafaek tata bainhira hakail ikan iha lagoa Malawai, suku Uani-Uma, postu administrativu Uatu Carbau, munisipíu Viqueque.
“Matebinan lafaek tata mais menus iha oras tuku 09 kalan no hafoin lafaek tata mate isin konsege familia sira foti iha oras tuku 01;49 kalan hodi lori ba uma nune’e kontinua ba seremonia funebre”informa Aplonia ba Timor post via telefoni, tersa (08/09).
Nia haktuir, matebian ho nia maluk nain ha’at mak ba hakail iha lagoa Malaway maibé to’o iha be’e matan refere avo lafaek tata katuas no sira nain ha’at seluk kontaktu mai uma hodi fó hatene ba familia ba buka matebian nia mate isin iha lagoa laran.
“Hafoin nain tolu akompaña familia hodi buka matebinan nia isin mate no nain ida seluk kontinua lori informasaun ba hato’o iha parte aturidade segurnasaun munisipíu Viqueque ninia hodi hatene kona-ba akontesementu ne’e”nia hakotu. (lcl)
979 total views, 3 views today
Bele hare Video Seluk :